________________
७३४ विसेसचुण्णि
[पारंचियपगयं "इत्तरियं०" गाहा । सो पुण नियमा आयरिओ तेण सगणे न पडिवज्जियव्वं, तेण इत्तरियं गणधरं सगणे ठावेइ, जाव पडिएति । ताहे अण्णगणं गंतुं दव्वादिसु पसत्थेसु आलोयणं देइ, ताहे ते साहुणो निरुवसग्गनिमित्तं काउसग्गं करेंति । स्यान्मतिः किं कारणं सगणे न पडिवज्जति ? अत उच्यते
अप्पच्चय निब्भयया, आणाभंगो अजंतणा सगणे। परगणे न होंति एए, आणाथिरता भयं चेव ॥५०३४॥
"अप्पच्चय०" गाहा । मियाणं सव्वं भवति - नूनमेएणं अकिच्चं पडिसेवियं, करेज्जा जेण पारंचिओ कओ । ताहे ते पच्छा न बीभेति । पच्छा पारंचियाऽऽणं भंजेज्ज ते वा तस्स पच्छाताव ण करेज्जा । नियंत्रणा य न भवति सगणे । परगणे तेन गच्छइ । तत्थ पडिवज्जित्ता णिरवयक्खो खेत्तबहिं गच्छति । सकोसमंडलस्स परओ ।
इदाणिं तस्स सामायारी भण्णइजिणकप्पियपडिरूवी, बाहिं खेत्तस्स सो ठितो संतो। विहरति बारस वासे, एगागी झाणसंजुत्तो ॥५०३५॥
"जिणकप्पिय०" गाहा । अलेवाडं भिक्खं गेण्हइ इत्यादि जारिसी जिणकप्पियस्स चरिया । जस्स आयरियस्स सगासे पडिवज्जइ तेणं दिणे दिणे इमं कायव्वं ।
ओलोयणं गवेसण, आयरितो कुणति सव्वकालं पि। उप्पण्णे कारणम्मि, सव्वपयत्तेण कायव्वं ॥५०३६॥ "ओलोयणं०" गाहा।
जो उ उवेहं कुज्जा, आयरिओ केणई पमाएणं । आरोवणा उ तस्सा, कायव्वा पुव्वनिद्दिट्टा ॥५०३७॥
"जो उ उवेहं कुज्जा०" गाहा । जइ न वच्चइ वद्धमाणी वाहिओ गिलाणो होज्जा। जं परिभाविज्जिहिति, जं न गाढाइ जं आयरियो पावति । "उप्पण्णे०" पच्छद्धं । अस्य व्याख्या
आहरइ भत्तपाणं, उव्वत्तणमाइयं पि से कुणति । सयमेव गणाहिवई, अह अगिलाणो सयं कुणति ॥५०३८॥ १. उच्चादिसु अ इ उच्चारादिसु ब क ड । २. अप्पच्चओ इति भाव्यम् मलवृ ।
