________________
७१६
विसेसचुण्णि
[अणुग्घाइयपगयं वडपादव उम्मूलण, तिक्खम्मि व विज्जलम्मि वच्चंतो। कुणमाणो वि पयत्तं, अवसो जह पावती पडणं ॥४९२९॥ तह समणसुविहिताणं, सव्वपयत्तेण वी जतंताणं । कम्मोदयपच्चइया, विराधणा कासति हवेज्जा ॥४९३०॥ पढमाएँ पोरिसीए, बितिया ततियाएँ तह चउत्थीए । मूलं छेदो छम्मासमेव चत्तारि या गुरुगा ॥४९३१॥ [नि०] निसि पढमपोरिसुब्भव, अदढधिती सेवणे भवे मूलं । पोरिसिपोरिसिसहणे, एक्केक्कं ठाणगं हसइ ॥४९३२॥ बितियम्मि वि दिवसम्मि, पडिसेवंतस्स मासियं गुरुअं। छटे पच्चक्खाणं, सत्तमए होति तेगिच्छं ॥४९३३॥ पडिलाभणऽट्ठमम्मि, णवमे सड्ढी उवस्सए फासे । दसमम्मि पिता पुत्ता, एक्कारसमम्मि आयरिए ॥४९३४॥ छट्टो य सत्तमो या, अहसुद्धा तेसि मासियं लहुयं । उवरिल्ल जं भणंती, थेरस्स वि मासितं गुरुगं ॥४९३५॥ संघाडगादिकहणे, जंकत तं कत इयाणि पच्चक्खा । अविसुद्धो दुट्ठवणो, ण समति किरिया से कायव्वा ॥४९३६॥ पडिलाभणा उ सड्डी, कर सीसे वंद ऊरु दोच्चंगे। सूलादिरुयोमज्जण, ओअट्टण सड्डिमाणेमो ॥४९३७॥ सन्नायपल्लि णेहिं[णं], मेहुणि खडत निग्गमोवसमो।
अविधितिगिच्छा एसा, आयरिकहणे विधिक्कारो ॥४९३८॥
"वडपादप०" ["तह समणसुवि०" "पढमाएँ." "निसि पढम०" "बितियम्मि वि०" "पडिलाभणऽट्ठमम्मि०" "छट्टो य०" "संघाडगादिकहणे." "पडिलाभणा उ०" "सन्नायपल्लि०"] गाहाद्वयम् । जहा वडपादवो अणेगमूलपडिबद्धो वि गिरिणईसलिलवेगेणं उम्मलिज्जइ । सेसं कंठं । ताहे संकप्पं करेज्ज, ताहे सो अदढधिती रत्ति पढमाए पोरुसीए पडिसेवति मूलं, अह पढमजामं अहियासेत्ता बितियजामे पडिसेवति च्छेदो,१
१. नास्ति ड।
