________________
६६२
विसेसचुण्णि
[सिज्जासंथारगपगयं दारमूले साहरंति = ठवेंति जं संथारगं । अहवा रुट्ठा ‘एएसि पि मा होउ' इमेसु छुब्भेज्जा । केसु पुण?
पुढवी आउक्काए, अगड वणस्सइ तसेसु साहरइ । घित्तूण य दायव्वो, अदिट्ठ दड्ढे य दोच्चं पि ॥४६३९॥
"पुढवी०" गाहा । तओ वि घेत्तूणं तस्सामिणो दायव्वं । न वि आउक्कायादिसंघट्ट त्ति काउं न घेत्तव्यो । अविदिढे केण विहिओ अण्णाओ य मग्गित्ता न लद्धो । अहवा दड्डो । ताधे किं कायव्वं ? अत इदं सूत्रं – दोच्चं पि उग्गहो अणुन्नवेयव्वो । अत्थ चोयगो भणइ - जहा दोच्चं पि उग्गहो अणुन्नविज्जइ । तहा अहं भणामि - गंतुं संथारगदाया वत्तव्वो - देहि तं संथारगं । उव्वत्ताए एत्थ -
दिटुंत पडिहणेत्ता, जयणाए भद्दतो विसज्जेती । मग्गंते जयणाए, उवहिग्गहणे ततो विवाओ ॥४६४०॥ "दिटुंत पडिहणेत्ता०" गाहा । पुव्वद्धस्य व्याख्यापरवयणाऽऽउट्टेडं, संथारं देहि तं तु गुरु एवं । आणेह भणति पंतो, तो णं दाहं ण दाहं वा ॥४६४१॥
"परवयणा०" गाहा । पुव्वद्धं । जं एवं चोयएणं सयं मतीए दटुं भणियं एवं आयरिओ पडिभणइ । एवं अणुन्नविज्जमाणे भद्दगपंतदोसा भवंति । पंतो इमं भणेज्जा -
दिज्जंतो वि न गहिओ, किं सुहसेज्जो इयाणि सो जाओ। हिय निट्ठो वा नूनं, अथक्कजायाइ सूएमो ॥४६४२॥ "दिज्जंतो वि०" गाहा । भद्दए इमे दोसा
भहो पण अग्गहणं, जाणंतो वा वि विप्परिणमेज्जा । किं फुडमेव न सीसइ, इमे हु अन्ने वि संथारा ॥४६४३॥ इइ चोयगदिटुंतं, पडिहंतुं सिस्सते से सब्भावो ।
भद्दो सो मम नट्ठो, मग्गामि न तो पुणो दाहं ॥४६४४॥
"भद्दो पुण०" ["इइ चोयगदिटुंतं०"] गाहा । कण्ठ्या । दिटुंतं पडिहणिति त्ति चोयगेण जं मतीए दिटुं तं आयरिएण पडिहयं एयं । 'मग्गणदाणं च ववहारो 'त्ति अस्य व्याख्या- “मग्गंते जयणाए" पच्छद्धं पुरातनं । पुनरपि अस्य व्याख्यानगाहाओ
