________________
६४८
विसेसचुण्णि
[अंतरगिहखाणाइपगयं गाहा अधीकारग, पोत्थग खररडणमक्खरा चेव । साहारण पडिणत्ते, गिलाण लहुगाइ जा चरिमं ॥४५६९॥ "गाहा अधीकारग" गाहा । अस्य व्याख्या -
भग्गविभग्गा गाहा, भणिइहीणा व जा तुमे भणिता । अद्धं से करेमि अहं, तुमं से अद्धं पसाहेहि ॥४५७०॥ पोत्थगपच्चयपढियं, किं रडसे रासह व्व असिलायं ।
अकयमुह ! फलयमाणय, जा ते लिक्खंतु पंचग्गा ॥४५७१॥ "भग्गविभग्गा०" ["पोत्थगपच्चयपढियं०"] गाहाहि सिद्धा । लहुगादी छग्गुरुगा, तव कालविसेसिया व चउलहुगा ।
अधिकरणमुत्तरुत्तर, एसणसंकाइ फिडियम्मि ॥४५७२॥
"लहुगादी०" गाहा । गाहा अधीकारण :: (चतुर्लघु), पोत्थए :: । (चतुर्गुरु), अक्खरे ::: (षड्लघु), खरो वा जहा ::: । (षड्गुरु) । अहवा चउलहुगा तवकालविसेसिया । "साहरण' त्ति अस्य व्याख्या -
वामद्दति इय सो जाव तेण ता गहिय भोयणा इयरे ।
अच्छंते अंतरायं, एमेव य जो पडिवण्णत्तो ॥४५७३॥
"वामद्दति०" गाहा । जाव सो तेण समयं वामद्दइ उल्लालेइ उत्तरोत्तरेहिं ताव जे अन्ने साहू ण नियट्टा तं पडिक्खंतो अच्छंति गिलाणो कोइ सो तेण पडिणन्नओ - अज्ज ! तव पाउग्गं आणेहामि, जं सो परितावेज्जइ अणगाढादिउद्दाइचरिमंतं । तत्थ एगणादेण वा सुत्तं, तं पि कारणे जइ कोइ पुच्छेज्जा । अपुच्छिएण व वट्टइ, पुच्छिओ जइ न कहेइ मासलहुं दोसा ।
कालाइक्कमदाणे, होइ गिलाणस्स रोगपरिवुड्डी । परितावऽणगाढाती, लहुगाती जाव चरिमपदं ॥४५७४॥ "कालाइक्कम०" गाहा । बितियपदे पुच्छित्ताकिं जाणंति वरागा, हलं जहित्ताण जे उ पव्वइया । एवंविधो अवण्णो, मा होहिइ तेण कहयंति ॥४५७५॥ "किं जाणंति०" गाहा । कण्ठ्या । तम्हा एगणाएण व एगवागरणेण वा कहेयव्वं ।
