________________
भासगाहा-४५६२-४५६८] तइओ उद्देसो
६४७ [अंतरगिहखाणाइपगयं] [सुत्तं] नो कप्पति निग्गंथाण वा निग्गंथीण वा अंतरगिहंसि जाव चउगाहं वा पंचगाहं वा आइक्खित्तए वा विभावित्तए वा किट्टित्तए वा पवेइत्तए वा, नऽन्नत्थ एगणाएण वा एगवागरणेण वा एगगाहाए वा एगसिलोएण वा, से वि य ठिच्चा नो चेव णं अद्विच्चा ॥३-२०॥
"नो कप्पइ उभयस्स वि' अंतरागिहंसि एगगाहं वा दुगाहं वा जाव पंचगाहं वा आइक्खित्तए वा विभावित्तए वा किट्टित्तए वा पवेइत्तए वा" ।
सम्बन्धःअतिप्पसत्तो खलु एस अत्थो, जं रोगिमादीण कता अणुण्णा । अण्णो वि मा भिक्खगतो करिज्जा, गाहोवदेसादि अतो तु सुत्तं ॥४५६६॥ "अतिप्पसत्तो०" गाहा । कण्ठ्या । संहियकड्डणमादिक्खणं तु पदच्छेद मो विभागो उ ।
सुत्तत्थो किट्टणया, पवेतणं तप्फलं जाणे ॥४५६७॥ “संहियकड्डण०" गाहा । आदिक्खणं णाम - व्रतसमितिकषायाणाम्, धारणरक्षणविनिग्रहाः सम्यक् । दण्डेभ्यश्चोपरमो, धर्मः पञ्चेन्द्रियजयश्च ॥ []
एवं ताव आइक्खियं एस धम्मो विभावंतं पंचव्रतानि अष्टौ समितयः, चत्वारः कषाया, वयाणं धारणं, समितीणं रक्खणं, कषायाणां निग्रहो, दण्डत्रयं तेभ्य उपरतिः धर्मः, पंचेन्द्रियजयश्च । एस विभावणा । किट्टणा णाम एएसिं गुणे कित्तेति–पाणाइवातं अकरेंतस्स एस गुणो, एवमादि । पवेयणंति एयस्स फलं स्वर्गो वा अपवर्गो वा । एस सुत्तत्थो । निज्जुत्ती वित्थारेइ
एक्का वि ता महल्ली, किमंग पुण होंति पंचगाहाओ ।
साहणे लहुगा आणादिदोस ते च्चेविमे अण्णे ॥४५६८॥ [नि०]
"एक्का वि ताव०" गाहा । अइ बहुगा किमंग पुण पंचगाहाओ । जो साहइ तस्स मासलहुं, आणादिणो दोसा "ते च्चेव" त्ति जे अंतरागिहंसि तस्स इमे अन्ने दोसा ।।
१. निग्गंथाण वा निग्गंथीण वा ।
