________________
भासगाहा-४५५४-४५६१] तइओ उद्देसो
६४५ "खरए०" गाहा । खरगो, खरिया सुण्हा, वट्टक्खुरे व संका, खन्नं वा खत्तं तत्थ संकिज्जेज्ज एत्थ पच्चइओ अच्छियाइओ, तत्थ गेण्हणादओ दोसा । अगणिक्काइवं वा घरं । अहवा दारेणं अइगंतूण हरियं अचित्तचित्तमीसगं, तत्थ वि संका वाडी वा छिन्ना । अहवा अधरिएण वि लग्गियं हियं होज्जा तत्थ संकेज्जेज्जा, “तिरिए त्ति" तिरिक्खजोणीओ गावी महिसी वा हिया होज्जा तत्थ संकिज्जेज्ज । एक्केक्के गेण्हणादओ दोसा तम्हा न ठाइयव्वं । सुत्तं
इदाणि सुत्तं सुत्तेणेव अववदति अह पुण एवं जाणेज्जा (सू० १९) तवस्सी नाम खमगो दुब्बलो गिलाणो पच्चुट्ठिओ । अहवा तवस्सी चेव तेण विगतॄण दुब्बलो सो चेव किलंतो तेण तवेण कम्मेण । अहवा वाहिणा जराजुन्नो वा । तस्स एवंगुणस्स मुच्छा हवेज्ज पडेज्ज वा । एवं तस्स सव्वाणि वि पदाणि कप्पंति काउं । एस सुत्तत्थो, निज्जुत्ती
उच्छुद्ध सरीरे वा, दुब्बल तवसोसिते व जो होज्जा ।
थेरे जुण्ण महल्ले, वीसंभणवेस हतसंके ॥४५५८॥ [नि०]
"उच्छुद्ध सरीरे वा०" गाहा । तवस्सी खमगो विगिटेण तवेण उच्छूढसरीरो दुब्बलो विस्सामेज्ज, अहवा थेरो "वीसंभण''त्ति एरिसो वीसंभणिज्जो, न एत्थ एरिसे दोसा संभवंति तेण हया संका भवंति । एएहिं कारणेहिं सव्वाणि वि पदाणि करेंतो सुद्धो, अन्नस्स न वट्टइ। इमेण पुण कारणेण हट्ठस्स वि चिट्ठइ । एस य अववादाववादो
अहवा ओसहहेडं, संखडि संघाडए व वासासु । वाघाए वा तत्थ उ, जयणाए कप्पती ठातुं ॥४५५९॥ "अहवा ओसह०" गाहा । अस्य व्याख्या
एगयरं उभयओ वा, अलंभे आहच्च वा उभयलंभो । वसहिं जा णेएगो, ता इअरो चिट्ठई दूरे ॥४५६०॥ "एयतरं०" गाहा । पीसंती ओसहाई, ओसहदाता व तत्थ असहीणो । संखडी असतीकालो, उट्टिते वा पडिच्छंति ॥४५६१॥
"पीसंती ओसहे." गाहा । ओसहाणं पीसणहेउं गया णिग्गया३ ण लब्भंति । णेयणाए ओसहाण वा मग्गणणिमित्तं गया । सो असन्निहिओ भावे तं पडिच्छंति अणणुवेउं । तत्थ जयणाए निहुया अच्छंति न पलोयंति अंतरियाओ वा अंसवा (?) संखडीगया करणेण तत्थ य
१. वृत्तखुरः = तुरङ्गमः मलवृ । २. पडुत्थिओ ड । ३. नास्ति ड । निस्सया अ ।
