________________
६४४
[अंतरगिहठाणाइपगय
विसेसचुणि
[अंतरगिहठाणाइपगयं] [सुत्तं] नो कप्पति निग्गंथाण वा निग्गंथीण वा अंतरगिहंसि चिट्ठित्तए वा निसीयत्तए वा जाव काउस्सग्गं वा ठाणं ठाइत्तए । अह पुण एवं जाणिज्जा-वाहिए जराजुण्णे तवस्सी दुब्बले किलंते मुच्छिज्ज वा पवडिज्ज वा, एवं से कप्पति अंतरगिहंसि चिट्ठित्तए वा जाव ठाणं ठाइत्तए ॥३-१९॥
'नो कप्पति उभयस्स वि अंतरागिहंसि चिट्ठित्तए वा' सुत्तं उच्चारेयव्वं ।
सम्बन्धः
रायणिओ य अहिगतो, स चावि थेरो अणंतरे सुत्ते । तस्संतराणि कप्पंति चिट्ठणादीणि संबंधो ॥४५५४॥ सब्भावमसब्भावे, दुण्ह गिहाणंतरं तु सब्भावे । पास पुरोहड अंगण, मज्झम्मि य होतऽसब्भावं ॥४५५५॥ "राइणिओ०" गाहा । कण्ठ्या । “सब्भावमसब्भावे०" गाहा ।
अंतरं दुविहं - सब्भावअंतरं असब्भावअंतरं च । सब्भावअंतरं जे दोण्ह गिहाण अंतरं सब्भावअंतरं२ । गिहस्स पासे पुरोहडे अंगणे गिहमज्झे एयं३ असब्भावअंतरं । एयं पुण भिक्खाओसहादीणं मग्गणट्ठाए निग्गयस्स । एस सुत्तत्थो ।
निज्जुत्तीवित्थरो इमो
कुटुंतर भित्तीए, निवेसण गिहे तहेव रच्छाए । ठायंतगाण लहुगा, तत्थ वि आणादिणो दोसा ॥४५५६॥ [नि०]
"कुटुंतर०" गाहा । दोण्हं कुड्डाण अंतरे दोण्हं भित्तीण अंतरे किडओ भित्तीए एए सडिय पडिय गिहस्स णवगस्स वा कज्जमाणस्स निवेसणं तियमाईणं गिहाणं आभोए "गिहे त्ति" गिहतरे वा एत्थ ठाइ :: (चतुर्लघु) । इमे दोसा -
खरए खरिया सुण्हा, णटे वट्टक्खुरे व संकिज्जा । खण्णे अगणिकाए, दारे वति संकणा तिरिए ॥४५५७॥
१. निग्गंथाण निग्गंथीण वा मुच । २. असब्भावअंतरं अ ड । ३. एवं अ ।
