________________
६२४ विसेसचुण्णि
[किइकम्मपगयं जइ ता दंडत्थाण, पावइ बालो वि पयणुए दोसे । ह णु दाणि अक्खमं णे, पमाइउं रक्खणा सेसे ॥४४२९॥
"वायण" ["वेसइ०" "जइ ता०"] गाहात्रयम् । जो हि चंचलो सो पायच्छित्तडंडेण रक्खिज्जइ । आह चोयक: - आय-संजमविराहणाओ णत्थि अणब्भुटुंते तो किं पच्छित्तं दिज्जइ ? आयरियो भणइ-आणं भंजइ ।
दिटुंतों दुवक्खरए, अब्भुट्टितेहिँ जह गुणो पत्तो ।
तम्हा उठेयव्वो, पाहुणओ गच्छे आयरियो ॥४४३०॥
"दितो०" गाहा । राया दुअक्खरएणं आराहिओ, रन्ना पट्ट बंधित्ता पहाणं रज्जं दिन्नं । तं भयाइणो परिभवेण ण अब्भुट्टेति । ते तेण दंडिया मारिया य । जे विणीया ते अब्भुटुंति ते पूइया एतदेवार्थम् -
आराहिओ रज्ज सपट्टबंधं, कासी य राया उ दुवक्खरस्स । पसासमाणं तु कुलीयमादी, नाढंति तं तेण य ते विणीया ॥४४३१॥ सव्वस्सं हाऊणं, निज्जूढा मारिया य विवदंता । भोगेहिं संविभत्ता, अणुकूल अणुव्वणा जे उ ॥४४३२॥ अहिराया तित्थयरो, इयरो उ गुरू उ होइ नायव्वो । साहू जहा व दंडिय, पसत्थमपसत्थगा होति ॥४४३३॥ जह ते अणुट्ठिहंता, हिय सव्वस्सा उ दुक्खमाभागी । इय णाणे आयरियं, अणुट्ठिहंताण वोच्छेदो ॥४४३४॥ उट्ठाण सेज्जाऽऽसणमाइएहिं, गुरुस्स जे होंति सयाऽणुकूला । नाउं विणीए अह ते गुरू उ, संगिण्हई देइ य तेसि सुत्तं ॥४४३५॥ पज्जायजाई सुततो य वुड्डा, जच्चन्निया सीससमिद्धिमंता ।
कुव्वंतऽवण्णं अह ते गणाओ, निज्जूहई नो य ददाइ सुत्तं ॥४४३६॥
"आराहिओ०" वृत्तम् गाहा य । ["सव्वस्सं०" "अहिराया०" "जह ते." "उट्ठाण सेज्जा०"] सदवणया' ।
"पज्जाय०" वृत्तम् । एवं ताव पाहुणए आगए भणियं ।
१. अपसत्थोवणयो इति भाव्यम् ? ।
