________________
६१८
विसेसचुण्णि [अहाराइणियसेज्जासंथारगपडिग्गहपगयं आवाय चिलिमिणीए, रन्ने वा निब्भये समुद्दिसणं । सभए पच्छन्नाऽसइ, कमढग कुरुया य संतरिया ॥४३८४॥ कोट्ठग सभा व पुव्वं, काल-वियाराइ भूमिपडिलेहा । पच्छा अतिति रत्तिं, अहवण पत्ता निसिं चेव ॥४३८५॥ गोम्मिय भेसण समणा, निब्भय बहि ठाण वसहि पडिलेहा । सुन्नघर पुव्वभणिए, कंचुग तह दारुदंडे य ॥४३८६॥ संथारग भूमितिगं, आयरिए सेसगाण एक्वेक्कं। रुंदाए पुण्फकिन्ना, मंडलिया आवली इतरे ॥४३८७॥
"परिणयवय०" ["बिइयं ताहे." "आवाय०" "कोट्टग०" "गोम्मिय०" "संथारग०"] गाहाओ कण्ठ्याओ ।
सीसं इतो य पादा, इहं च मे वेंटिया इहं मज्झं ।
जइ अगहियसंथारो, भणाइ लहुगोऽहिकरणादी ॥४३८८॥
"सीसं इतो य०" गाहा । जो अप्पणो इच्छाए एत्तो मे सीसं होहिति तहिं वेंटियं ठवेइ, भायणाणि य पासे ठवेइ तस्स मासलहु जाहे उवकरणं पडिलेहियं भवति उवस्साओ य पमज्जिओ ताहे आयरिया भणंति - उक्खिवह अज्जो ! वेंटियाओ । एवं भणिए जो ण उक्खिवइ तस्स मासलहु । संथारएसु य गहिएसु इमो गुणो भवइ ।
संथारग्गहणीए, वेंटिय उक्खेवणं तु कायव्वं । संथारो घेत्तव्यो, माया-मयविप्पमुक्केणं ॥४३८९॥ सम विसमाइ न पासइ, दुक्खं च ठियम्मि ठायई अन्नो । नेव य असंखडादी, विणयो अममिज्जया चेव ॥४३९०॥ संथारग्गहणीए, कंटग वीयार पासवण धम्मे ।। पयलणे मासो गुरुओ, सेसेसु वि मासियं लहुगं ॥४३९१॥
"संथारग्गहणीए०" [“सम विसमइं०" "संथारग्गहणीए०"] गाहा । कण्ठ्या । संथारयगहणीए वेंटिगेसु उक्खिप्पमाणीसु गोरवेणं-मम सुंदरो ओभासो त्ति काउं आलस्सेण वा माइयं इमं करेइ । कंटगवीयारादीणि गाहासिद्धाणि ।
१. संसइओ य अ ब क ड इ ।
