________________
६१७
भासगाहा-४३७२-४३८३] तइओ उद्देसो
फिडियऽन्नोन्नाऽऽगारण, तेणय रत्तिं दिया व पंथम्मि । साणाइ वेस कुच्छिय, तवोवणं मूसिगा जं च ॥४३७७॥ अप्पडिलेहिय कंटा, बिलं व संथारगम्मि आयाए । छक्कायाण विराहण, विलीण सेहऽन्नहाभावो ॥४३७८॥ खाणुग-कंटग-वाला, बिलम्मि जइ वोसिरिज्ज आयाए । संजमओ छक्काया, गमणे पत्ते अइंते य ॥४३७९॥
"सावय तेणा०" ["फिडियऽन्नो०" "अप्पडिलेहिय०" खाणुग कंटग०"] गाहा । गाहापुव्वद्धं कण्ठ्यम् । पच्छद्धस्स इयं व्याख्या - अहवा ते वियाले पत्ता । सो य पच्चंतियग्गामो। तत्थ ट्ठाणगाणि ठियाणि । ते तत्थ ट्ठाणए पडिया । तेहिं गोमिएहिं घेप्पेज्ज । तत्थ गेण्हणकड्ढणादि । अहवा चउप्पएहिं समं पविसिउमारद्धा । तत्थ गोणेहिं चमढणा आयविराहणा भाणविराहणा य । ते य तत्थ भिन्ना अन्नमन्नं वाहति । ताहे तेणगा पडियरिउं रत्ति अल्लिएज्ज। अहवा दिवसओ पंथं बंधेज्जा, साणादीहिं वा विराहणा, वेसित्थिमादीसु वा ठिया, तत्थ सज्झायं करेंति, अहो ! तवोवणे ठिया साहवो, जं चरंति सदुप्पायं काहिति । अहवा चम्मकारादीसु दुगुछिएसु ठिया । तत्थ भणंति - सजोणी मूसियाऽऽगया । अहवा अदुगुंछिया लद्धा तत्थ कहं सज्झायं करेंतु अप्पडिलेहियाए सज्झायभूमीए संथारगभूमीए अप्पडिलेहियाए तत्थ वि संजमायाए जं पुढविक्कायमादीसु विसिस्संति, सण्णाए वा उवरिं काइयभूमिए अपडिलेहियाए ।
मुत्तनिरोहे चक्खं, वच्चनिरोहेण जीवियं चयइ ।
उड्डनिरोहे कोठें, गेलन्नं वा भवे तिसु वि ॥४३८०॥ "मुत्तनिरोहे०" गाथाद्वयं (?) कण्ठ्यम् । पढमबिइयाएँ तम्हा, गमणं पडिलेहणा पवेसो य । पुव्वठियाऽसइ गच्छं, ठवेत्तु बाहिं इमे तिन्नि ॥४३८१॥ "पढमबिइयाए०" गाहा । एत्तो आढत्ताओ गाहाओ
परिणयवय गीयत्था, हयसंका पंछ चिलिमिली दोरे । तिन्नि दुवे एक्को वा, वसही पेहट्ठया पविसे ॥४३८२॥ बिइयं ताहे पत्ता, पएव पत्ता उवस्सयं न लभे । सुन्नघर देउले वा, उज्जाणे वा अपरिभोगे ॥४३८३॥
