________________
६१५
भासगाहा-४३६१-४३७१] तइओ उद्देसो
[अहाराइणियसेज्जासंथारगपडिग्गहपगयं]
[सुत्तं] कप्पति निग्गंथाण वा निग्गंथीण वा आहारायणियाए सेज्जासंथारए पडिग्गाहित्तए ॥१७॥
सम्बन्धः
घेत्तुं जहक्कमेणं, उवही संथारएसु ठवयंति । तेसिं पि जदा गहणं, तं पि हु एमेव संबंधो ॥४३६७॥ "घेत्तुं जहक्कमेणं०" गाहा । कण्ठ्या । सेज्जासंथारो या, सेज्जा वसही उ थाण संथारो ।
पुव्वण्हम्मि उ गहणं, अगेण्हणे लहुगों आणादी ॥४३६८॥
"सेज्जासंथारो या०" गाहा । सेज्जा वसही, ताए सेज्जाए जं ठाणं सो संथारो "पुव्वण्हम्मि उ गहणं" ति । पुव्वण्हे पत्ताणं ताए चेव वेलाए सेज्जागहणं, अगेण्हमाणे मासलहुं।
चोयग पुच्छा दोसा, मंडलिबंधम्मि होइ आगमणं । संजम आयविराहण, वियालगहणे य जे दोसा ॥४३६९॥
"चोयग पुच्छा०" गाहा । चोयगो भणइ - जइ एए चेव पत्ता तो गेण्हतु पढमं सेज्जं, अह भत्तवेलाए आगया तो पढमं हिंडंतु पच्छा बाहिं चेव समुद्दिसित्ता सण्णं वोसिरित्ता पडिलेहित्ता सुत्तपोरिसिं काउं वियाले अइंतु । इयरहा दोसा संजमाताए भवंति । कहं पुण ?
अतिभारेण व इरियं, न सोहए कंटगाइ आयाए । भत्तट्ठिय वोसिरिया, अतितु एवं जढा दोसा ॥४३७०॥
"अतिभारेण०" गाहा । भत्तपाणेणं उवगरणेण य अइभारे पेल्लिया, तण्हा-छुहाब्भाहया य उवओगं न देंति इरियाए संजमे कंदट्ठियाए आयाए, तम्हा बाहिं चेव समुद्दिसित्ता अतितु । चोयगपुच्छ त्ति गयं ।
इदाणिं दोसा -
आयरिय वयणदोसा, दुविहा नियमा उ संजमाऽऽयाए । वच्चह को वा सामी, असंखडं मंडलीए वा ॥४३७१॥
