________________
भासगाहा-४३३३-४३४५] तइओ उद्देसो
__ "तरुणे०" ["पवत्तिणि." "सव्वा वि०" "तरुणी निप्फण्ण."] गाहा । जत्थ आयरिओ तारेयव्वो अण्णे ण सक्केइ तत्थ जयणा । दोण्णि आयरियातो एक्को तरुणो, एक्को वुड्डो । जइ सक्केइ दो वि तारेउ, अह न सक्केइ तरुणं तारेउ । दो वि तरुणा होज्ज एक्को णिप्फन्नपरिवारो एक्को अनिप्फन्नापरिवारो। जइ सक्के इ दो वि तारेउ, अह न सके इ अनिप्फन्नपरिवारं तारेउ । दो वि अनिप्फन्नपरिवारा एक्को सलद्धीओ एक्को अलद्धीओ । जइ दो वि न सक्केइ से सलद्धीयं तारेउ। दो वि सलद्धीया । एक्को आसन्ने ठिउल्लओ इक्को दूरे। जइ दो वि ण सक्केइ जो अब्भासे तं तारेउ । दो वि अब्भासे उदगवाहए एक्को तारओ एक्को अतारओ, अतारओ तारेयव्वो । एस पंचमो गमो । अगणिभवे पंचमो, जो न सक्केइ पलाएउं तं णित्थारेउ । एवं तेणोमोदरिय - अद्धाण - गिलाण-सावय-पदुढेसु वि । अभिसेगस्स "निप्फन्त्रपरिवारे" त्ति । एस णत्थि गमो । किं कारणं? तस्स परिवारो णत्थि । सेसा तरुणा १ सलद्धीए २ असब्भासे ३ तारगादी ४ य भवंति । एए चत्तारि भिक्खुमादीणं पंचगमा तरुणादीया नवरं "निप्फन्ने'' त्ति, सो निप्फन्नो अनिप्फन्नो य । बहुस्सुयस्स अबहुस्सुय इत्यर्थः । बहुस्सुओ घेतव्वो । सेसा तिन्नि गमा । तेच्चेव जे आयरियस्स खुड्डगस्स तरुणदारे जहण्णतरो सो नित्थारेयव्वो । सेसा चत्तारि जहा भिक्खुस्स थेरस्स तरुणदारेण एक्को जहन्नो, एक्को उक्कोसो। जहन्नो घेत्तव्यो । सेसा जहा भिक्खुस्स । एवं इत्थीण वि पवित्तिणि अभिसेगा भिक्खुणी खुड्डिया थेरी । चोयगो भणइ -
बाला य वुड्डा य अजंगमा य, लोगे वि एते अणुकंपणिज्जा । सव्वाणुकंपाएँ समुज्जएहि, विवज्जओऽयं कहमीहितो भे ॥४३४२॥ जह बुद्धी चिरजीवी, तरुणो थेरो य अप्पसेसाऊ । सोवक्कमम्मि देहे, एयं पि न जुज्जए वोत्तुं ॥४३४३॥ अवि य हु असहू थेरो, पयरेज्जियरो कदाइ संदेहं ।
ओरालमिदं बलवं, जं घेप्पइ मुच्चई अबलो ॥४३४४॥
"बाला य०" ["जह बुद्धी०" "अवि य हु०"] गाहात्रयं कण्ठ्यम् । "उरालमिदं" ति सामायिकेयं भाषा अशोभनमित्यर्थः । आयरियो भणइ -
आय परे उवगिण्हइ, तरुणो थेरो उ तत्थ भयणिज्जो । अणुवक्कमे वि थेवो, चिट्ठइ कालो उ थेरस्स ॥४३४५॥ "आय परे०" गाहा कण्ठ्या । दिटुंतो -
