________________
५७६
विसेसचुण्णि
[निस्सापगयं जम्हा य एवमादी, दोसा तासिं तु गिण्हमाणीणं । तम्हा तासि णिसिद्धं, वत्थग्गहणं अणीसाए ॥४१५८॥ "हिंडामु०" ["जम्हा य०"] गाहा । कण्ठ्या । चोदओ भणति - सत्तं णिरत्थगं खलु, कारणियं तं च कारणमिणं तु । असती पाउग्गे वा, मन्नक्खो वा इमा जतणा ॥४१५९॥
"सुत्तं णिरत्थगं०" गाहा । "असती०" गाहापच्छद्धं । 'असति' त्ति णत्थि तासिं वत्थाणि । अहवा अत्थि तासिं वत्थाणि ण पुण पाउग्गाणि ।
तरुणीण य पव्वज्जा, णियएहिं निमंतणा य वत्थेहिं । पडिसेहण निब्बंधे, लक्खण गुरुणो णिवेदेज्जा ॥४१६०॥
"तरुणीण" गाहा । काउयि तरुणीओ बहु सण्णाइयाओ णिक्खंताओ अण्णं देसे विहरेत्ता तत्थ आगयाओ ताहे सण्णातगा वत्थेहिं निमंतेंति तत्थ पडिसेहेयव्वं - ण गेण्हामो त्ति । जति गाढं निबंधं करेंति ताहे इमं वत्तव्वं - अम्हं गुरु लक्खणं जाणंति जारिसं घेत्तव्वं तेसिं निवेदेमो। अस्य व्याख्या -
थेरा परिच्छंति कधेमु तेसिं, णाति ते दिस्स अजोग्ग जोग्गं । पिच्छामु ता तस्स पमाणवण्णे, तो णं कधेस्सामों तहा गुरूणं ॥४१६१॥
"थेरा परिच्छंति०" वृत्तम् । एवं वत्तव्वं । जइ एवं भणति एवं सागारं, एयम्मि अकए लहुगो । जति तस्स पमाणवन्नेहिं चिंधं ण लक्खेति तो मासगुरुं । जति पवत्तिणीए ण साहंति चतुलहुगा । अप्पणा चेव गेण्हंति चउगुरुगा ।
सागारकडे लहुगो, गुरुगो पुण होति चिंधकरणम्मि । गणिणीअसिढे लहुगा, गुरुगा पुण आयनीसाए ॥४१६२॥ "सागारकडे०" गाहा । कण्ठ्या । अह गिहत्था एवं भणेज्जा -
जति भे रोयति गिण्हध, न वयं गणिणिं गुरुं व जाणामो । इय वि भणिया वि गणिणो, कधेति ण य तं पडिच्छंति ॥४१६३॥ "जति भे रोयति०" गाहा । तं वत्थं ण पडिच्छंति संजतीओ ताहे आयरिएहिं वत्तव्वंकतरो भे णत्थुवधी, जो दिज्जउ भणह मा विसूरित्था । पुव्वुप्पण्णो दिज्जति, तस्सऽसतीए इमा जयणा ॥४१६४॥
