________________
५५२
विसेसचुण्णि
[भिण्णाभिण्णवत्थपगयं अणुकंपाए पज्जत्तं देज्ज, कत्थ गेण्हतु ? तस्स लाभस्स वोच्छेदो जातो जम्हा एते दोसा जुत्तप्पमाणं घेत्तव्वं । एतदेवार्थम् -
धुवणाधुवणे दोसा, वोसटुंते य काय आउसिणे । सुक्खे लग्गाजीरग, कोडिय सिहरे य उड्डाहो ॥४०१२॥ "धुवणाधुवणे०" गाहा । कण्ठ्या । किं पुण तं जुत्तप्पमाणं ? अत उच्यतेतिन्नि विहत्थी चउरंगुलं च भाणस्स मज्झिमपमाणं । एत्तो हीण जहण्णं, अतिरेगयरं तु उक्कोसं ॥४०१३॥ "तिन्नि विहत्थी०" गाहा । अहवा इमंउक्कोसतिसामासे, दुगाउअद्धाणमागओ साहू । चउरंगुलवज्जं भत्त पाण पज्जत्तियं हेट्ठा ॥४०१४॥ एयं चेव पमाणं, सविसेसतरं अणुग्गहपवत्तं । कंतारे दुब्भिक्खे, रोहगमाईसु भतितव्वं ॥४०१५॥ "उक्कोस." [“एयं चेव०"] गाहाद्वयं कण्ठ्यम् । अववादे त्ति दारं । अण्णाणे गारवे लुद्धे, असंपत्ती य जाणाए ।
लहुओ लहुया गुरुगा, चउत्थे सुद्धो उ जाणओ ॥४०१६॥
"अण्णाणे०" दारगाहा । पच्छा अववादं भण्णीहिति-जइ इमेहि कारणेहि धरेति तत्तो इमं पच्छित्तं । अण्णाण्णेण गारवेण लुद्धत्तणेण य यथासंख्यं पायच्छित्तं गाहापच्छद्धगहितं । तत्थ अण्णाणस्स वक्खाणं -
हीणातिरेगदोसे, अजाणओ सो धरिज्ज हीणऽहियं । पगईय थोवभोगी, सति लाभे वा करेतोमं ॥४०१७॥ "हीणातिरेगदोसे०" गाहा । इमा गारवस्स वक्खाणगाहाओईसरनिक्खंतो वा, आयरियो वा वि एस डहरेणं । इति गारवेण ओमं, अइप्पमाणं चिमेहिं तु ॥४०१८॥
अणिगृहियबलविरिओ, वेयावच्चं करेति अहो ! समणो । मम तुल्लो न य कोयी, पसंसकामी महल्लेणं ॥४०१९॥
