________________
भासगाहा - ३९२७-३९३९]
इओ उस
आहच्च हिंसा समितस्स जा तू, सा दव्वतो होति ण भावतो उ । भावेण हिंसा तु असंजतस्सा, जे वा वि सत्ते ण सदा वधेति ॥ ३९३३॥ संपत्ति तस्सेव जदा भविज्जा, सा दव्वहिंसा खलु भावतो य । अज्झत्थसुद्धस्स जदा ण होज्जा, वधेण जोगो दुहतो व हिंसा ॥ ३९३४॥ 'आहच्च हिंसा समियस्स जा तू०" [ " संपत्ति ०" ] वृत्तद्वयं कण्ठ्यम् ।
रागो य दोसो य तहेव मोहो, ते बंधहेतू तु तओ वि जाणे । णाणत्तगं तेसि जधा य होति, जाणाहि बंधस्स तहा विसेसं ॥ ३९३५॥ “रागो य०” वृत्तं कण्ठ्यम् । को पुण विसेसो ?
44
तिव्वे मंदे णातमणाए भावाधिकरण विरिए य । जह दीसति णाणत्तं, तह जाणसु कम्मबंधे वि ॥३९३६॥
" तिव्वे० " दारगाहा । तिव्व-मंदा दो वि एगगाहाए वक्खाति
तिव्वेहि होति तिव्वो, रागादीएहिं उवचओ कम्मे । मंदेहि होति मंदो, मज्झिमपरिणामतो मज्झो ॥३९३७॥ " तिव्वेहि० " गाहा । कण्ठ्या । नायमणाए त्ति द्वारं
जाणं करेति एक्को, हिंसमजाणमपरो अविरतो य । तत्थ वि बंधविसेसो, महंतरं देसितो समए ॥ ३९३८ ॥
५३९
" जाणं करेति ० " गाहा । अविरतो होंतओ जाणंतो हिंसं करेति संचित्येत्यर्थः । अन्नो अविरतओ चेव अयाणंतो हिंसं करेति असंचित्येत्यर्थः । जाणते बहुअतरं अयाणंते अप्पतरो ।
विरतो पुण जो जाणं, कुणति अजाणं व अप्पमत्तो वा । तत्थ वि अज्झत्थसमा, संजायति निज्जरा ण चयो ॥३९३९॥
" विरतो पुण० " गाहा । विरओ होंतओ जाणंतो हिंसं करेति, अन्नो विरतो व अयाणंतो हिंसं करेति, उवयुत्तो एसो एवं अप्पमत्तो त्ति । तस्स अज्झत्थसमा संजाति णिज्जर' त्ति | अज्झत्थं णाम मनोगतमित्यर्थः । समा इति परिणामो तस्स मा णिज्जरा ण चयो त्तिण पुण तस्स कम्मबंधो भवति । सुविट्ठाणेसु तिव्वादिसु, सो पुण विरओ होंतओ किं जाणंतो हिंसं करेति ? उच्यते - दव्वाइसु आगाढेसु । अपिशब्दात् अविरतो वि जो जाणंतो हिंसं करेति तिव्वाइपरिणामो तत्समो कम्मबंधो भवति तिव्वेणं बहुओ, मंदेण मंदो, मज्झेण मज्झो ।
