________________
५३४
विसेसचुणि
[कसिणाकसिणपगयं कारणं ? भोगातिरित्तं ति काउं, पडिलेहिज्जंते आरभडा भवंति । विभूसा य भवति । ण छिदेज्जा वि ।
पासगंतेसु बढेसु, दढं होहिति तेण तु ।
णातिदिग्घदसं वा वि, ण तं छिंदिज्ज देसिओ ॥३९०६॥ "पासंगतेसु०" वृत्तम् । इदाणिं गिलाणं पडुच्च गेण्हेज्जा । असंफुरगिलाणट्ठा, तेण माणाधियं सिया ।
सदसं वेज्जकज्जे वा, विसकुंभट्ठयाति वा ॥३९०७॥
"असंफुर०" वृत्तं कण्ठ्यम् । गेलण्णे वेज्जणिमित्तं तस्स दायव्वं ति संधरिज्जति । दीहजातिएण वा खइओ । तत्थ पडिविज्जा कीरति ।
इदाणिं जावोग्गहो त्ति दारं । धीरायरियाए
अविभत्ता ण छिज्जंति, लाभो छिज्जिज्ज मा खलु । पारदोच्चाववादस्स, पडिपक्खो व होज्ज उ ॥३९०८॥ अववायाववादो वा, एत्थ जुज्जइ कारणे । सट्ठाणं व तमब्भेति, अच्छिज्जं जं उदाहडं ॥३९०९॥
"अविभत्ता ण छिज्जंति०" ["अववायाववादो०"] वृत्तं कण्ठ्यम् । 'पारदोच्चाववादस्स पडिपक्खो व होज्जउ' त्ति पारियभयस्स अपवादो, जं देसिं थूणविसयं सिंधुविसयं वा पडुच्च कसिणाणि वि धारेज्ज वा परिहरेज्ज वा तस्स पडिपक्खो, जं वुत्तं तस्स दसाओ उवभोगातिरित्तादि दोसपरिहरणट्ठा ताओ छिदियव्वाओ । तं छिण्णासु दसासु ।
देसी गिलाण जावोग्गहो उ भावम्मि होति बितियपदं । तब्भाविते य तत्तो, ओमादि उवग्गहट्ठा वा ॥३९१०॥ "देसी०" गाहा । अस्य व्याख्या - देसी गिलाण जावोग्गहो उ दव्वकसिणम्मि जं वुत्तं । तह चेव होति भावे, तं पुण सदसं व अदसं वा ॥३९११॥ नेमालि तामलित्तीय, सिंधूसोवीरमादिसु । सव्वलोकोवभोज्जाइं, धरिज्ज कसिणाइ वि ॥३९१२॥ १. एतद् वृत्तं मुद्रितवाचनायां न दृश्यते - सं. ।
