________________
५२० विसेसचुण्णि
[चम्मपगयं [सुत्तं] कप्पइ निग्गंथाणं सलोमाइं चम्माणि अहिट्टित्तए, से वि य परिभुत्ते नो चेव णं अपरिभुत्ते, से वि य पडिहारिए नो चेव णं अप्पडिहारिए, से वि य एगराईए नो चेव णं अणेगराईए ॥३-४॥
"कप्पइ निग्गंथाणं सलोमाइं चम्माणि अहिद्वित्तए०" एतं निग्गंथाणं अववाइयं सुत्तं । आह शिष्यः - णिग्गंथीणं ण कप्पति निग्गंथाणं कप्पइ, किं कारणं ? अत उच्यते
दोसा तु जे होंति तवस्सिणीणं, लोमाइणे ते ण जतीण तम्मि । तं कप्पती तेसि सुतोवदेसा, जं कप्पती तासि न तं जतीणं ॥३८२०॥ निग्गंथाण सलोमं, न कप्पती झुसिर तं तु पंचविहं । पोत्थगतणपण दूसं, दुविहं चम्मम्मि पणगं च ॥३८२१॥ गंडी कच्छति मुट्ठी, छिवाडि संपुडग पोत्थगा पंच । तिण सालिवीहिकोद्दवरालगआरणगतणं च ॥३८२२॥ कोयव पावारग दाढि आलि पूरी तधेव विरली य । एयं दुपेहपणयं, इणमण्णं अपडिलेहाणं ॥३८२३॥ उवहाण तूलि आलिंगणी उ गंडोवहाण य मसूरा । गोमाहिसअयएलगरणमियाणं च चम्मं तु ॥३८२४॥
"दोसा उ०" ["निग्गंथाण." "गंडी कच्छति०" "कोयव०" "उवहाण."] वृत्तम् । चम्मं ति वा अयिणं ति वा एगटुं । सुतोवएसेणं निग्गंथाणं ण कप्पइ । 'जं कप्पति तासिं' ति जं णिग्गंथीणं सुतोवएसेण कप्पति तं णिग्गंथाणं कप्पति यस्मादपवादिकं सूत्रम् अतो उस्सग्गेण ण कप्पति सलोमं झुसिरं ति काउं। तं पंचविहं झुसिरं–पोत्थयपणयं, तणपणयं, दूसपणयं दुविहंअप्पडिलेहितदूसपणयं दुप्पडिलेहितदूसपणयं च, चम्मपणगं । एतेसिं पण्णवणा गाहोक्ता ।
णवरं तणपणयं सालितणा वीहिगतणा कोद्दवतणा आरण्णगतणं च । विरली नाम अंकोल्लियसरिसी आलिंगणिं गंडोवहाणियाओ महल्लतरी । सेसं कण्ठ्यम् ।
जहिं गुरुगा तहिं लहुगा, जहिं लहुगा चउगुरू तहिं ठाणे । दोहिं लहू कालगुरू, तवगुरुगा दोहि वी गुरुगा ॥३८२५॥
