________________
भासगाहा-१०८६-१०९६] पढमो उद्देसो तत्थ वसइ । णिवेसो णाम जत्थ सत्थो वा आवासिओ। आदिग्गहणेणं गामो वा अन्नत्थ संपट्ठियओ जत्थ अंतरा वासं करेइ, जत्ताए वा जत्थ लोगो गयओ । जहा-सरस्सतीए । संबाहो नाम जत्थ अन्नत्थ किसित्ता वाणिज्जं वा करेत्ता अत्थं संवोढुं संवसंति तं संबाहं भण्णइ । जे घोसं पढंति, घोसं गोउलं भण्णइ । अन्नेसिं अंसिया । अंसिया नाम गामस्स अद्धं तइयं चउत्थभागो [वा] जत्थ ठितिल्लओ । पुढवेएणं पि केइ पढंति । तत्थ गाहा -
नाणादिसागयाणं, भिज्जंति पुडा उ जत्थ भंडाणं ।
पुडभेयणं तगं संकरो य केसिंचि कायव्वो ॥१०९३॥
"नाणादिसा०" गाहा । कण्ठ्या । संकरो नाम एएसिं गामादीणं किंचि गामं पि नगरं पि खेडं पि एवं सह परिक्खेवेणं सपरिक्खेवं । नास्य बाहिरिका विद्यत इत्यबाहिरिकम् । एस सुत्तत्थो।
इयाणि णिज्जुत्तीए वित्थारेइ तत्थ गाहा:नामं ठवणागामो, दव्वग्गामो य भूतगामो य ।
आउज्जिदियगामो, पिउ माउ भावगामो य ॥१०९४॥[नि०]
"नाम ठवणा०" [गाहा] । नामठवणाओ गयाओ । दव्वगामो जाणयभवियसरीरवइरित्तो इमो -
जीवाऽजीवसमुदओ, गामो को कं नओ कहं इच्छे ? ।
आदिणयोऽणेगविहो, तिविकप्पो अंतिमनओ उ ॥१०९५॥ [नि०]
"जीवा०" गाहा । जीवाणमजीवाण य समूहो यः सो य दव्वगामो, नएहिं मग्गिज्जइ । को णओ कं गामं इच्छइ ? तत्थ आइणओ अणेगविधो, आइणओ नाम णेगमो, अंतिमणओ णाम सद्दो । सो तिविहो-सद्दो, समभिरूढो, एवंभूतो । तत्थ अणेगविहणेगमाणं इमाणि पत्तेयं पत्तेयं अण्णोण्णनिरवेक्खाणि वत्तव्वाणि भवंति । तं जहा -
गावो तणाति सीमा, आरामुदपाण चेडरूवाणि । वाडी य वाणमंतर, उग्गह तत्तो य आहिपती ॥१०९६॥[नि०]
"गावो तणाति०" गाहा । गावो त्ति पढमणेगमो भणइ । जावतियं गावीओ चरिउं वच्चंति एत्तियं अंतरं सव्वो मम गामो विसुद्धतरो णेगमो भणति ।
१. अण्णे अंसितंसि वा पढंति इति चूर्णिकृतः । २. पुडभेदेणं इति भाव्यम् ? । ३. गामो इति अब ।
