________________
॥ अज्जखेत्तपगयं ॥
[सुत्तं] कप्पइ निग्गंथाण वा निग्गंथीण वा पुरत्थिमेणं जाव अंगमगहाओ एत्तए, दक्खिणेणं जाव कोसंबीओ, पच्चत्थिमेणं जाव थूणाविसयाओ, उत्तरेणं जाव कुणालाविसयाओ एत्तए । एताव ताव कप्पइ । एताव ताव आरिए खेत्ते । णो से कप्पति एत्तो बाहिं । तेण परं जत्थ नाणदंसणचरित्ताइं उस्सप्पंति त्ति बेमि ॥१-५०॥
सुत्तं उच्चारेयव्वं । संबंधे गाहा
इति काले पडिसेहो, परूवितो अह इदाणि खेत्तम ।
चउदिसि समणुण्णायं, मोत्तूण परेण पडिसेहो ॥३२४०॥
" इति काले० " गाहा । कण्ठ्या । 'चउद्दिसिं ति' सूत्रप्रामाण्यात् । एवमुक्त्वा 'परेण पडिसिद्धं " ति ।
ट्ठा वि य पडिसेहो, दव्वादी दव्वें आदिसुत्तं तु । घडिमत्त चिलिमिणीए, वत्थादी चेव चत्तारि ॥३२४१॥ वगडा रच्छा दगतीरगं च विह चरमगं च खित्तम्मि । सारिय पाहुड भावे, सेसा काले य भावे य ॥३२४२॥
अहवण सुत्ते सुत्ते, दव्वादीणं चउण्हमोआरो ।
सो य अधीणो वत्तरि, सोतरि य अतो अणियमोऽयं ॥ ३२४३॥
"हेट्ठा०" ["वगडा० 'अहवण सुत्ते० " ] गाहा । दव्वओ खेत्तओ कालओ भावओ । वत्थादी-वत्थं वा पडिग्गहं वा कंबलं वा पायपुंछणं वा । एए चत्तारि सुत्ता । पढमो गाहावइकुलं, बिइओ बहियावियारभूमि, तइओ गामाणुग्गामिं, चउत्थो वासावासं । एयं दव्वे सागारियसुत्तं अहिकरणसुत्तं च भावे । सेसं कण्ठ्यम् । एषः द्वितीयः सम्बन्धः ।
22 44
जो एतं न वि जाणइ, पढमुद्देसस्स अंतिमं सुतं ।
अहवण सव्वऽज्झयणं, तत्थ उ नायं इमं होइ ॥ ३२४४॥ [ नि० ] " जो एयं न वि० " गाहा । कण्ठ्या ।
१. पडिसेहो मुच ।
