________________
४१२
विसेसचुण्णि [वियारभूमी-विहारभूमीपगयं मत्तासईए अपवत्तणे वा, सागारिए वा निसि णिक्खमंती । तासिं णिवेदेतु ससद्ददंडा, अतीति वा णीति व साधुधम्मा ॥३२३४॥
"तेणिच्छिए०" ["मत्ता०"] गाहा । अगम्मा मातादी अविरइयाओ । ताओ भणइ-जाहे तुब्भे णीह, ताहे मए वि उट्ठवेह । 'अणिच्छमाणी' त्ति । जइ ताओ गिहत्थीओ णेच्छंति निग्गंतुं तो भणइ-अहं बीभेमि एक्किता ।
इदाणि विहारभूमी । एगाहि अणेगाहि व, दिया व रातो व गंतु पडिसिद्धं ।
चउगुरु आयरियादी, दोसा ते चेव जे भणिया ॥३२३५॥
"एगाहि०" गाहा । एगाणिय दुयाणिया तियाणिया बहुयाणिया तरुणीणं न कप्पड़ दिवसओ वि ताव पडिसिद्धं, किमंगं पुण राओ ? उस्सग्गेणं न वट्टइ संजईणं गंतुं । पच्छद्धं पूर्वोक्तं । 'जे भणिय' त्ति । विचारभूमीए भवे कारणं जेणं गम्मेज्जा विहारभूमी एयं गाहाए। अंतेसु एहिति । 'अगाढं संविग्गे' त्ति (३२३७ गा०) अगाढजोगपडिवन्नियाओ होज्जा । सो पुण केरिसो उवस्सओ जत्थ गम्मइ सज्झायभूमिं ?
गुत्ते गुत्तदुवारे, दुज्जणवज्जे णिवेसणस्संतो । संबंधि णिए सण्णी, बितियं आगाढसंविग्गे ॥३२३६॥
"गुत्ते०" गाहा । स पुरोहडो सकवाडो णिवेसणस्स अंतो जत्थ गम्मइ, असह आसन्नपाडए वि, जो सबंधियो पिया माता भाया वा णीओ त्ति, जेण सेज्जायरस्स मित्तया, सन्नी वा अभिगओ तत्थ गच्छंति । 'बिइयं' ति बिइयपदं । 'अगाढं' ति अगाढजोग्गं संविग्गा साहुणी। तत्थ केरिसए अज्जाए कप्पति गंतुं ?
पडिवत्तिकुसल अज्जा, सज्झायज्झाणकारणुज्जुत्ता । मोत्तूण अब्भरहितं, अज्जाण ण कप्पती गंतुं ॥३२३७॥
"पडिवत्ति०" गाहा । सा य अज्जा पडिवत्तिकुसला । जो किंचि पुच्छइ तस्स समत्था उत्तरं दाउं, सज्झायं झाइस्सामि तम्मि कारणे उज्जुत्ता । तत्थ अप्पतइया अप्पचउत्था अप्पपंचमा वा 'मोत्तूण अब्भरुहिए२' त्ति जाणि कुलाणि अहाभद्दयाणि संजयासंजईओ गुरुक्का, तेसि पितिघरं भातृ-पितृयघरं वा एयाणि अब्भतिहिताणि संजईणं, अण्णत्थ न वट्टइ गंतुं । तासिं एगा भणइ -
सज्झाइयं नत्थि उवस्सएऽम्हं, अगाढजोगं च इमा पवण्णा । तरेण सोहद्दमिदं च तुब्भं, संभावणिज्जातौ ण अण्णहा ते ॥३२३८॥
१. नास्ति अ इ । २. अब्भरहितं ति मुच ।
