________________
३९२
विसेसचुण्णि
[अद्धाणपगयं गुरुया आणालोवे, बलियतरं कुप्पे पढमए दोसो । गिण्हंतदेतदोसा, बितियतिए चरिमे दुविह भेतो ॥३१२२॥
"गुरुया०" गाहा । चउगुरुया पढमे त्ति । जो निव्विसए करेइ जो तेसिं हत्थाओ गेण्हइ, जो य तेसिं देइ तेसिं दोसं कुज्जा । एवं बिइयतइए वि ।
सच्छंदेण य गमणं, भिक्खे भत्तट्ठणे य वसहीए । दारे व ठितो रुंभति, एगट्ठ ठितो व आणावे ॥३१२३॥ [नि०] "सच्छंदेण य०" गाहा । अस्य व्याख्या । गाहाया पूर्वार्द्धस्य इमा विभासा -
सच्छंदेण उ गमणं, सयं व सत्थेण वा वि पुव्वुत्तं । तत्थुग्गमादिसुद्धं, असंथरे वा पणगहाणी ॥३१२४॥
"सच्छंदेण उ गमणं०" गाहा । कण्ठ्या । पुव्वुत्तं (गा० ३१०५-१०) ओहनिज्जुत्तीए, बारससंवच्छरिएणं गंतव्वं । अह कयाइ अणागयं ण णिग्गया होज्ज, जाहे पत्तं, ताहे जइ सच्छंदं गमणं होज्ज, सयं वा सत्थेण वा ताहे पुव्वुत्ताए विधीए णिग्गच्छंति । 'दारेव ट्ठिओ रुंभइ' त्ति-अस्य व्याख्यागाहा पुरातणा -
तिण्हेगयरे गमणे, एसणमादीसु होति जतियव्वं ।
भत्तट्ठण थंडिल्ले, असती वसहीए जं जत्थ ॥३१२५॥ [नि०]
"तिण्हेगयरे०" गाहा । अस्य व्याख्या-अह सो कयाइ मा एत्थेव जणवए णिलुक्का अच्छिहिंति अणज्जमाणा केइ, ताहे तिण्हं पकाराणं अन्नतरं संदिसेज्ज ।
सच्छंदओ य एक्कं, बितियं अण्णत्थ भोत्तिहं एह । ततिए भिक्खं घेत्तुं, इह भुंजह तीसु वी जतणा ॥३१२६॥ स बिइज्जए व मुंचति, आणावेत्तुं व चोल्लए देति ।
अम्हुग्गमाइसुद्धं, अणुसट्ठि अणिच्छे जं अंतं ॥३१२७॥
"सच्छंदओ उ एक्कं०" ["स बिइज्जए व०"] गाहा । कण्ठ्या । एषां त्रयाणां गमणादेसाणां एगतरे एसणादीसु ३ (तिसु) जयंति । 'असइ' त्ति सुद्धासइए पणगपरिहाणीए तिक्खुत्तो जयंति । भत्तट्ठवसहिथंडिल्लेसु जयंति । 'जं जत्थ' त्ति सइ विज्जमाने आहारे उग्गमादिसु दोसेसु जं निसेवइ तमावज्जइ, भत्तट्ठवसहिदोसा य थंडिल्लदोसा य, जं निसेवइ
१. निवेसइ ब ।
