________________
भासगाहा - ३०६५-३०७५ ]
पढमो उद्देस
३८३
"सत्थं च०" गाहा । 'सत्थि' त्ति पंचभेया भंडियादी, सत्थवाहा, आदिजत्तिया य अविहा भणिहित्ति उवरि गाहाए ( गा० ३०७०-७१) । सत्थविहाणं दव्वादि चउव्विहं । तत्थ दवे
अणुरंगाई जाणे, गुंठाई वाहणे अणुण्णवणा ।
धम्मुत्ति वा भई व बालादि अणिच्छे पडिकुट्ठा ॥३०७१॥
दंतिक्कगोरतिल्लगुलसप्पिएमादिभंडभरिएसु ।
अंतरवाघातम्मि व, तं दितिहरा उ किं देति ? ॥३०७२॥
" अणुरंगादी० " [" दंतक्कि गोर० "] गाहाद्वयम् । अणुरंगा णामं घंसीओ जाणा जाणं गाणि सगडियाओ वा वाहणा गुंठ (ठा = ) घोडया, १ अस्सा वा उट्टा वा । ते अणुन्नविज्जंति—जइ अम्ह कोइ बालो वुड्डो दुब्बलो गिलाणो वा गंतुं न सक्केज्जा सो भे चडावेयव्वो । जइ अणुजाणंति सुद्धं गमणं । अह मुल्लेण विणा णेच्छन्ति तं पि अब्भुवगच्छिज्जइ । अह मुल्लेण वि णेच्छंति तो ण तेहिं समं गंतव्वं । 'दंतिक्क' त्ति दंतखज्जगं
मंडियाओ खज्जगा, आसोअड्ढिमादि' बहुविहं, तंदुलसत्तुया, अन्नं च धन्नं गुलतेल्लादि । 'गोर' त्ति गोधुमा एवमादीणं जइ भंडीओ भरिताओ तो दव्वओ सुद्धो । किं कारणं ? " अंतरवाघाय०" गाहार्द्धं । को पुण वाघाओ ?
वासेण नदीपूरेण वा वि तेण भय हत्थि रोधे य । खोभे व जत्थ गम्मति, असिवं वेमादि वाघाता ॥३०७३॥
कुंकुम अगरुं पत्तं, चोयं कत्थूरिया य हिंगुं च ।
संखगलोणभरितेण, न तेण सत्थेण गंतव्वं ॥३०७४॥
“वासेण०” [“कुंकुम० " ] गाहा । कण्ठ्या । हत्थिणा पंथो रुद्धो, नगररोधओ जाओ, एस दव्वओ । इमं खित्तओ काले भावे य -
खेत्ते जं बालादी, अपरिस्संता वयंति अद्धाणं ।
काले जो पुव्वण्हे, भावें सपक्खादणोमाणं ॥ ३०७५॥
'खेत्तं जं०३" गाहा । कण्ठ्या । जत्तियंसि बालवुड्डो गच्छो सक्केइ गंतुं तत्तियं जइ सत्थो जाइ खेत्तओ सुद्धो । काले जो पुव्वण्हे विहरति । भावे सपक्खपरपक्ख - ओमाणवज्जिओ ।
१. घोडिया ब । २. असोअवट्टियादि इति भाव्यम् ? (मलवृ) । ३. खेत्ते जं मुच ।
