________________
३८२ विसेसचुण्णि
[अद्धाणपगयं उवगरण पुव्व भणियं, अप्पडिलेहिंते चउगुरू आणा ।
ओमाण पंतसत्थिय, अतियत्तिया अप्पपत्थयणो ॥३०६५॥
"उवगरणपव्व०" गाहा । 'ओमाणपंतसत्थिय' अप्पपत्थयणो ओमाणेणं पल्लिओ सत्थो होज्ज, 'पंत'त्ति सत्थाधिपई पंतो होज्ज आइजत्तिया पंता 'सत्थिय'त्ति । नत्थि वहिउं होज्ज सथिल्लया वा ते पंता अप्पपत्थयणो सत्थो होज्ज तम्हा पडिलेहेयव्वो सत्थो । सो केरिसो पडिलेहओ?
रागद्दोसविमुक्को, सत्थं पडिलेहें सो उ पंचविहो । भंडी वहिलग भरवह, ओदरिया कप्पडिय सत्थो ॥३०६६॥ "रागहोस०" गाहा । को पुण दोसो रागद्दोसिए ? गंतव्वदेसरागी, असत्थ सत्थं पि कुणति जे दोसा । इअरो सत्थमसत्थं, करेइ अच्छंति जे दोसा ॥३०६७॥
"गंतव्व०" गाहा । कण्ठ्या । जे दोसा पाविहिति तस्सोवरि । सो सत्थो पंचविहो-भंडी, बहिलग कावोडीहिं अस्सेहिं वा २, भरवाहा-बइल्ला खरा उट्टा वा ३, उदरिया एक (४), कप्पडिया र्तृ (५) । उदरिया णाम जहिं गया तहिं चेव रूवओ छूढो, सव्वो समुद्दिट्ठो गम्मइ । एएसिं -
उप्परिवाडी गुरुगा, तिसु कंजियमादिसंभवो होज्जा ।। परिवहणं दोसु भवे, बालादि सल्ल गेलन्ने ॥३०६८॥
"उप्परिवाडी०" गाहा। तिसु कंजियं होज्ज भंडीबहिलगभरवहेसु य । परिवहणं दोसु भंडी भरवहेसु य । एएसु दोसु गंतव्वं ण सेसेसु, विभासा । केसिं पुण परिवहणं ? उच्यतेबालादीणं । आदिग्गहणेणं वुड्डाणं दुब्बलाण य सल्लविद्धाणं खयक्काए आहयाणं, तम्हा पडिलेहेयव्वो । तं पुण इमं -
सत्थं च सत्थवाहं, सत्थविहाणं च आदियत्तं च । दव्वं खेत्तं कालं, भावोमाणं च पडिलेहे ॥३०६९॥ सत्थे त्ति पंच भेया, सत्थाहा अट्ठ आइयत्तीया । सत्थस्स विहाणं पुण, गणिमाई चउव्विहं होइ ॥३०७०॥
१. पंतिय त्ति अ ब क ड इ। २. अप्पडिलेहिअ दोसा, वसही भिक्खं च दुल्लहं होज्जा ।
बालाइ गिलाणाण, पाउग्गं अहव सज्झाओ ।।
