Page Text
________________
३६८ विसेसचुण्णि
[वत्थपगयं अग्गओ पेसविज्जति । तो भन्नंति-वयं अच्छामो उग्गते घेत्तुं एहामो । ताहे तेसु गएसु रत्तिं पि गेण्हंति । आगंतुं भणंति-उग्गए गहियं । अह संजइओ विवित्ताओ जहा लब्भइ तहा चेव घेप्पइ। अह पडिसत्थे वि ण लब्भेज्ज न वा दिसेज्ज ताहे -
खंडे पत्ते तह दब्भचीवरे तह य हत्थपिहणं तु । अद्धाणविवित्ताणं, आगाढं सेसऽणागाढं ॥२९८६॥
"खंडे०" गाहा । चम्मखंडा संजईणं दिज्जंति, असई सागपत्तादीणि दिज्जंति, दब्भा वा गुहेत्ता दिज्जति दब्भमया चीवरा । असई हत्थेहिं उच्छए त्ति । एवं ताव गंतुमुज्जाणं पत्ता, तत्थ वि संपच्छन्ने ओगासे संजईओ ठविज्जंति ।
असईय निग्गया खुड्डगाइ पेसंति चउसु वग्गेसु ।
अप्पाहिति वऽगारं, साहुं व वियारमाइगयं ॥२९८७॥
"असईय०" गाहा । 'असई' त्ति मुट्ठा णग्गा णत्थि, किंचि वि लद्धं निग्गया अद्धाणाओ अग्गुज्जाणे ठिया चेल्लग चिल्लिकं वा पेसेति । आदिग्गहणेणं थेरगं वा पेसेंति तं नगरं गामं वा । 'चउसु वग्गेसु' त्ति संजएसु संभोईएसु, असंभोईएसु, संजईसु संभोइयासु असंभोइयासु य । अह णत्थि खुड्डओ खुड्डिया वा थेरो वा जाव जो नगराओ निग्गओ वियारादिसाह तं अभितरिल्लाण अप्पाहेति । मट्टा आगयामो अग्गज्जाणे अच्छामो। असईए गिहत्थं पि अप्पाहेति । एत्थ संजएहिं संजयाण दायव्वं । संजईहिं संजईणं । एत्थ दाणे णत्थि जयणा । असति संभोइयसंजयाणं संभोइयसंजईण घेत्तव्वं । ण अन्नसंभोइयाणं संजयाणं संजईण वा । जत्थ पुण संजईहिं संजयाण दायव्वं, संजएहिं वा संजईणं तत्थ इमा जयणा -
खुड्डी थेराणऽप्पे, आलोगितरी ठवित्तु पविसंति । ते वि य घेत्तुमइगया, समणुनजढे जयंतेवं ॥२९८८॥
"खुड्डी थेराणऽप्पे०" गाहा । णवरं पविसित्ता आवेदितो थेरस्स पवेस्सियस्स खुड्डीयस्स अप्पेइ देइ । अह खुड्डिया णत्थि, ताहे अखुड्डियाओ वि संजईओ थेरस्स आलोए ठवेत्ता पडिस्सयं पविसंति । एवं नगरे पेसविएसु अह नत्थि पेसविओ कोइ अप्पाहियं सोउं खुड्डियाओ उज्जाणं णेता थेरयस्स दाउं पडिनियत्तंति । असईए खुड्डियाणं, चोरभयं वा खुड्डियाणं ताहे महंतीओ वि गंतु थेराणं गंतुं आलोए ठवेत्ता नियत्तंति । जत्थ संजएहिं संजईणं दायव्वं तत्थ खुड्डओ थेरियाण अप्पेइ, तहेव दायव्वं जहा संजईहि दिन्नं । ते वि य घेत्तुमइगय' त्ति । ते इति संजया संजईहिं दिन्नाई पाउणित्ता अतिगया, नगरं पविट्ठा संता अप्पणा उवगरणं उप्पाएत्ता संजतीणं जं गहियं तं पडिअल्लीवेंति । एयं समणुन्नेसु भणियं । 'समणन्नजढे जयंतेवं' ति जत्थ
| SR No. | 007786 |
| Book Title | Kappasuttam Vhas Vises Chunni Sahiyam Part 01 |
| Original Sutra Author | Bhadrabahuswami, Sanghdasgani Kshamashraman |
| Author | |
| Publisher | Shubhabhilasha Trust |
| Publication Year | 2016 |
| Total Pages | 504 |
| Language | Prakrit |
| Classification | Book_Devnagari & agam_bruhatkalpa |
| File Size | 3 MB |