________________
भासगाहा-२९६४-२९८५] पढमो उद्देसो
लिंगट्ठ भिक्ख सीए, गिण्हंती पाडिहारियमिमेसु ।
अमणुन्नियरगिहीसुं, जं लद्धं तन्निभं दिति ॥२९८१॥
"न विवित्ता०" ["लिंगट्ठ०"] गाहा । कण्ठ्या । संजईण दायव्वं, न गिहत्थाण । "समणुन्नितरासु वि तहेव'"त्ति । अह संजया विवित्ता समणुन्ना वि, जइ से अत्थि दोण्ह वि दायव्वं । एत्तियं णत्थि तो समणुन्नाणं देंति । जत्थ अमणुण्णाण विवित्ता तेसिं हत्थाओ पाडिहारियं घेप्पइ । अह नत्थि संजया अमणुन्ना, अह संजईओ ण विवित्ताओ, सगच्छपरगच्छिल्लियाओ वा, एयासिं हत्थाओ पडिहारियं घेप्पइ लिंगट्ठगा । तं पुण लिंगट्ठाए वा भिक्खट्ट सीतट्टाए वा । अमणुन्ना असंभोइया इयरे पासत्था । एएसिं हत्थाओ पाडिहारियं घेप्पड । गिहत्थाओ पाडिहारीयं वा घेप्पइ । एतदुक्तम् -
पाडिहारीए निसटे य, जाहे लद्धं तण्णिभं चेव पाडिहारियं पडिदेति । उहृढे व तदुभए, सपक्ख परपक्ख तदुभयं होइ ।
अहवा वि समण समणी, समणुन्नियरेसु एमेव ॥२९८२॥
"उद्दूढे व०" गाहा । 'तदुभयं' सपक्खो परपक्खो । सपक्खो संजया, परपक्खो गिहत्था । अहवा उभयं समणुन्ना, इयरा असंभोइया ।।
अमणुन्नेतर गिहिसंजईसु असइ पडिसत्थपल्लीसु । तिण्हऽट्ठाए गहणं, परिहारिय एतरे चेव ॥२९८३॥ एवं तु दिया गहणं, अहवा रत्तिं मिलेज्ज पडिसत्थो । गीएसु रत्ति गहणं, मीसेसु इमा तहिं जयणा ॥२९८४॥
"अमणुन्ने०" ["एवं तु०"] गाहा । असमणुन्ना वि अविवित्ता णत्थि, संजईओ वि णत्थि, ताहे पडिसत्थपल्लीसु मग्गियव्वं गिहत्थाए गिण्हियव्वं पाडिहारियं वा अपाडिहारियं वा । एवं दिवसओ। अह रत्तिं पडिसत्थो मिलेज्ज ताहे गीतत्थेसु रत्तिं चेव गेण्हइ । अगीतत्थमीसेस इमा जयणा -
वत्थेण व पाएण व, निमंतएऽणुग्गए व अत्थमिए ।
आइच्चो उदिउ त्ति य, गहणं गीयत्थसंविग्गे ॥२९८५॥ "वत्थेण व०" गाहा । कण्ठ्या । एवं जइ गीतत्था, अह अगीतत्थ-मिस्सा ताहे अगीता
