________________
भासगाहा-२८४९-२८५३] पढमो उद्देसो
३४१ पढमभंगस्स व्याख्या -
खमणं मोहतिगिच्छा, पच्छित्तमजीरमाण खमओ वा । गच्छड़ सचोलपट्टो, पुच्छ टुवणं पढमभंगो ॥२८५०॥
"खमणं०" गाहा । कोइ संजओ । तस्स सण्णातयाणं संखडी । सो य तद्दिवसं अभत्तट्टिओ। इमेहिं कारणेहिं तं खमणं = अभक्तार्थमित्यर्थः । मोहतिगिच्छट्ठाए वा पच्छित्तं वा से दिण्णं । अजिन्नं ति वा काउं अभत्तट्ठो कओ । अहवा खमओ सो ताहे सो सन्नायएहिं णिमंतिओ । ताहे सो अणुग्गाहिएण चोलपट्टगसहिओ संपट्टिओ । आयरिएहिं पडिसिद्धो-मा वच्च, तहा वि न द्वितो । किं कारणं? मा ममं एयाणि ण याणिहिंति अभत्तट्ठिओ त्ति । तओ सो भणइ-ते पंता, मए विणा ण पज्जत्तं दाहिति । ण वा ओगाहिमगादी उक्कस्सयाणि दाहिति । गए तम्मि तेहिं पुच्छिओ-किं तुब्भेहिं भिक्खभायणा णाणीया ? तओ तेण वा अन्नेन वा भणियं-अब्भत्तट्ठिओ त्ति । ताहे तस्स अट्ठाए ठवेंति कल्लं पारणाए दिज्जहि त्ति । जइ वि न ठवेंति तहा वि चउगुरुया । अहव ठवेंति ठवियए मासियं । जं च तक्केंति परंपरए आवज्जइ । चोलपट्ट त्ति गयं ।
इदाणि अइरेग त्ति दारं -
कारणगहिउव्वरियं, आवलियविहीऍ पुच्छिऊण गओ । भोक्खं सुए दराइसु, ठवेइ साभिग्गहऽन्नो वा ॥२८५१॥
"कारणगहिउव्वरियं" गाहा । सबालवुड्डाउले गच्छे विरूवरूवाए संखडीए छणे वा, अणन्नेहिं घरेहिं ओगाहिमगखज्जगप्पगारा गहिया । समुद्दिट्ठा । उव्वरियं चउत्थादीणं अभत्तट्ठियाण णिमंतणविही कारेत्ता आयरिए आपुच्छेत्ता विगिचणट्ठा गओ ‘कल्ले भोक्खामि' त्ति काउं बिलादिसु ठवेइ । आदिग्गहणेणं रुक्खड्ढोढेरे, थेरीए वा घरे निक्खिवइ, सुन्नघरे वा ठाइ । गुलिय त्ति पिंडयं काउं ठवेइ । पच्छित्तं तं चेव राईभोयणनिप्फण्णं । पढमभंगो एसो । इमा अण्णा आरोवणा बिलादिनिप्फण्णा ।
बिलें मूलं गुरुगा वा, अणंते गुरु लहुग सेस जं चऽन्नं । थेरीय उ निक्खित्ते, पाहुणसाणाइखइए वा ॥२८५२॥ आरोवणा उ तस्सा, बंधस्स परूवणा य कायव्वा । कुल नामऽट्ठिगमाउं, मंसाऽजिन्नं न जाऽऽउट्टो ॥२८५३॥ "बिले" ["आरोवणा०"] गाहा । बिले मूलं, चउगुरुया रुक्खढोड्डे, अनंते झुसिरे
