________________
३३२ विसेसचुण्णि
[अवग्गहपगयं एयद्दोसविमुक्कं, वत्थग्गहणं तु होइ कायव्वं । खमउ त्ति दुब्बलो त्ति य, धम्मो त्ति य होति निद्दोसं ॥२८०८॥ आरंभनियत्ताणं, अकिणंताणं अकारविंताणं । धम्मट्ठा दायव्वं, गिहीहि धम्मे कयमणाणं ॥२८०९॥ संघाडए पविटे, रायणिए तह य ओमरायणिए । जं लब्भइ पाओग्गं, रायणिए उग्गहो होइ ॥२८१०॥ "एयद्दोसविमुक्कं०" ["आरंभनियत्ताणं०" "संघाडए०"] गाहाद्वयं कण्ठ्यम् । दोच्चं पि उग्गहो त्ति य, केइ गिहत्थेसु दोच्चमिच्छंति ।
साग ! गुरुणो नयामो, अणिच्छे पच्चाहरिस्सामो ॥२८११॥
"दोच्चं पि उग्गहो०" गाहा । दोच्चं पि उग्गहो अणुण्णवेयव्वो त्ति सूत्राभिहितं । अत्र केइ स्वच्छन्दमतयो ब्रुवन्ति-एवं गिहत्थेसु भवति, जो देइ सो वत्तव्वो-सावगा ! एतं अम्हे आयरियाणं णेमो' । जइ इच्छिहिंति घेत्तुं ताहे तुब्भे दोच्चं उग्गहं अणुण्णवेहामो, अह णेच्छिहिंति आयरिया घेत्तूण तुब्भं चेव आणेउं पच्चप्पिणीहामो ।
इहरा परिढुवणिया, तस्स व पच्चप्पिणंति अहिगरणं । गिहिगहणे अहिगरणं, सो वा दट्टण वोच्छेदं ॥२८१२॥
"इहरा परिद्ववणिया०" गाहा । एवं जइ न कज्जइ तो आयरिए अगेण्हमाणे पारिट्ठावणियदोसो । अह न परिविज्जइ तो तस्स गिहत्थस्स पच्चप्पिणिए अहिकरणं परिभोगधुवणादिसु । {असंजयाणं परिट्ठवियं जइ गिहत्थो गिण्हइ अहिकरणं । गिहत्थगहियं वा परिट्ठवियं वा तद्दव्वादिवोच्छेदे विभासा । आयरिओ आह -
चोयग ! गुरुपडिसिद्धे, तहिं पउत्थे धरित दिन्नं तु । धरणुज्झणे अहिगरणं, गेण्हेज्ज सयं व पडिणीयं ॥२८१३॥
"चोयग !०" गाहा । हे चोयग ! एवं कज्जमाणे त एव दोसा जे त्वया उक्ता। तं आयरियाणं आणियं आयरियाणं न कज्जं होज्ज, सो य गिहत्थो पविसिओ होज्ज । अदिण्णदाणं पसज्जइ परिभुज्जंते । अह धरेइ ण परिभुंजइ, अइरेगोवही अहिकरणं । अह
१. दिक्क = ?
