________________
भासगाहा-२७६८-२७७७] पढमो उद्देसो
३२५ "संजयगिहि०" गाहा । ठाणगाणि रक्खिज्जंति-मा कोइ चारिओ एज्ज । तिस ठाणे अदूरे मज्झे आसन्ने । ते पुण चउव्विहा-संजयभद्दा गिहिपंता १, संजयपंता गिहिभद्दा २, संजयभद्दा वि गिहिभद्दा वि ३, संजयपंता वि गिहिपंता वि एर्क (४), ते सहाया वच्चंता पढमठाणइल्लेहिं दिट्ठा । ते संजया मुक्का गिहत्था गहिया । ते य गिहत्था संजएहिं समं वच्चंताणं-ण होहिति अम्ह भयं ति तो उच्चलिया।
संजयभद्दगमुक्के, बीया घेत्तुं गिही वि गिण्हंति ।
जे पुण संजतपंता, गिण्हंति जई गिही मुत्तुं ॥२७७३॥
“संजयभद्दयमुक्के०" गाहा । संजयभद्दएहिं पढमठाणइत्तेहिं संजया मुक्का । संजयच्चएण गिहत्था वि मुक्का होज्ज । णवरं बिइयठाणइल्लेहिं दिट्ठा, ताहे संजया गिण्हित्ता ते वि गिहत्थे गिण्हेज्ज-कीस एएहिं समं जाह ? ति तब्भे वि दट्टा । सेसं कण्ठ्यम ।
पढमतइयमुक्काणं, रज्जे दिट्ठाण दोण्ह वि विणासो । पररज्जपवेसेवं, जओ वि णिती तहिं पेवं ॥२७७४॥
"पढम०" गाहा । पढमतइयभंगा मुक्का । गामं पत्ताण संजयाण गिहत्थाण य । एत्थ दोण्ह वि विणासो । एयं दोण्ह वि वग्गाणं । एयं रज्जपवण्णेसु अण्णरज्जे इत्यर्थः । जाओ विरज्जाओ निग्गच्छंति ताओ वि एवं चेव । दिवाण णासो दोण्ह वि वग्गाणं । 'पंथे भेत्तूण चेव अइगमणं' ति (गा० २७७०) ।
रक्खिज्जइ वा पंथो, जइ तं भित्तूण जणवयमइंति । गाढतरं अवराहो, सुत्ते सुन्ने व दोण्हं पि ॥२७७५॥
"रक्खिज्जइ वा०" गाहा । कण्ठ्या । इयाणिं – “सुन्नम्मि य अइगमणे' अस्य व्याख्या - सुत्ते सुत्ते य दोण्हं पि सुत्ता, ते ठाणइल्ला होज्ज, सुन्ने त्ति न रक्खिज्जइ पंथो गामिएहिं । ते संजया गिहत्थेहिं समं गामं पत्ता, ताहे दटुं चारिय त्ति काउं गिण्हेज्जा । एत्थ गेण्हण त्ति दारं । अस्य व्याख्या -
गेण्हणे गुरुगा छम्मास कड्ढणे छेओँ होइ ववहारे । पच्छाकडे य मूलं, उड्डहण विरुंगणे नवमं ॥२७७६॥ उद्दावण निव्विसए, एगमणेगे पओस पारंची । अणवठ्ठप्पो दोसु य, दोसु य पारंचिओ होइ ॥२७७७॥
१. ट्ठाणेसु इति भाव्यम् ? २. ठाणइल्लेहिं इति भाव्यम् ?
