________________
३२४
विसेसचुण्णि
[वेरज्जविरुद्धरज्जपगयं भयणा भवइ । तत्थ जाव जत्थ णिम्मिस्स गिहत्थस्स विरहिया गच्छंति तत्थ अट्टियं भयणं भणइ-अत्तणा दिवा पंथेण अदिट्टो १, अत्तणा दिवा पंथेण दिट्टो २, अत्तणा दिवा उप्पंथेण अदिट्ठो ३, अत्तणा दिवा उप्पंथेण दिट्ठो एक (४), अत्तणा राओ पंथेण अदिट्ठो (लू) ५, अत्तणा राओ पंथेण दिट्ठो फ्रÓ (६), अत्तणा राओ उप्पथेण अदिट्ठो ग्रा (७), अत्तणा राओ उप्पंथेण दिट्ठो र्हा (८) । एत्तो एगतरेणं ति । एएसिं अट्ठण्हं पगाराणं एगतरेणं पगारेणं आणाअणवत्थादओ दोसा । एएसिं अट्ठण्हं पगाराणं पच्छित्तं -
अत्ताणमाइएसुं, दियपहदिढेसु चउलहू होंति । राओ अपह अदिढे, चउगुरुगाऽइक्कमे मूलं ॥२७६८॥
"अत्ताणमाड०" गाहा । दिवा चउस भंगेस चउलहया तवकालविसेसिया । राओ चउसु भंगेस् चउगुरुया तवकालविसेसिआ । सीमातिक्कमे मुलं । सीमं अतिक्कमइ जम्हा एएणं मूलं पावइ । एयं अत्ताणे गिहत्थरहियस्स त्ति भणियं होइ ।
इयाणिं गिहत्थेहिं समं वच्चंतस्स चोरमेयादीहि एक्केक्के अट्ठिया भयणा । पलाइणो नाम जे कुडुंब नासंति अन्ने वा जे णस्संति । एत्थ गाहा -
अत्ताणमाइयाणं, अट्ठण्हऽट्टहि पएहिँ भइयाणं । चउसट्ठिए पयाणं, विराहणा होइमा दुविहा ॥२७६९॥
["अत्ताणमाइयाणं०'"] अत्ताणमादियाण अट्ठट्ठगा चउसट्ठि । दुविहा विराहणाआय-संजमाणं । सा इमा दुविहा -
छक्काय गहणकड्डण, पंथं भित्तूण चेव अइगमणं । सुन्नम्मि य अइगमणे, विराहणा दुण्ह वग्गाणं ॥२७७०॥ "छक्काय गहण०" दारगाहा । तत्थ छक्कायविराहणा इमा -
छक्काय चउलहुया', परित्त लहुगा य गुरुग साहारे । संघट्टण परितावण, लहु गुरुगऽइवायणे मूलं ॥२७७१॥
"छक्काय चउलहुया०' पूर्वव्याख्यातम् । एवं संजमविराहणा । 'गहण' त्ति दारं । अस्य व्याख्या -
संजयगिहितदुभयभद्दया य तह तदुभयस्स वि य पंता । चउभंगों गोम्मिएहिं, संजतभद्दा विसज्जेंति ॥२७७२॥
१. चउसु लहुगा मुच।
