________________
भासगाहा-२७१३-२७२३] पढमो उद्देसो
३१३ "वारेइ एस एयं०" ["उवसंतो०"] गाहा । कण्ठ्या । 'सीतघरसमो' त्ति उन्हाभितत्तो चक्कवट्टी, सीतघरं पविट्ठो तहेव सीतीभवति दमओ वि । एरिसो आयरियो, न कस्सइ विसेसं करेइ । उवसामिए अहिकरणे जइ एक्को उवसंतो बिइओ न उवसमइ तं किह जाणइ जहा न उवसंतो? वंदणं न पडिच्छइ, ण वंदइ वा, अणाढं वा करेइ आढाइज्जमाणो। ताहे सो आयरियं विन्नवेइ-उवसंतो खमासमण ! अहं उवसंतो एस जेटुज्जो अमुगं वंदामी वा? अज्ज वि न उवसमइ । एत्थ आयरियो तस्स पण्णवणट्ठयाए परस्स निक्खेवं करेइ ।
नामं ठवणा दविए, खेत्ते काले तदन्नमन्ने अ।
आएस कम बहु पहाण, भावओ उ परो होइ ॥२७१९॥ [नि०] "नामं ठवणा०' दारगाहा । नामठवणाओ गयाओ । परमाणुपुग्गलो खलु, तद्दव्वपरो भवे अणुस्सेव ।
अन्नद्दव्वपरो खलु, दुपएसियमाइणो तस्स ॥२७२०॥
["परमाणुपुग्गलो०"] परमाणुपोग्गलो अपरमाणुपोग्गलस्स तद्दव्वपरो, परमाणु पोग्गलस्स दुपदेसियादिणो अन्नदव्वपरा ।
एमेव य खंधाणं वि, तद्दव्वपरा उ तुल्लसंघाया ।
जे उ अतुल्लपएसा, अणू य तस्सऽन्न दव्वपरा ॥२७२१॥
"एमेव य खंधाण वि०" गाहा । कण्ठ्या। दुपदेसियस्स खंधस्स तिपदेसियमादी खंधा परमाणुद्रव्यं च अन्नदव्वपरा ।
इदाणिं खेत्तकाले य एक्कगाहाए वक्खाणेइ -
एगपदेसोगाढादि खेत्तै एमेव जा असंखेज्जा । एगसमयाइठिइणो, कालम्मि वि जा असंखेज्जा ॥२७२२॥ "एगपएसो०" गाहा। कण्ठ्या । आदेसे - भोअणपेसणमादीसु एगखेत्तट्ठियं तु जं पच्छा ।
आदिसइ भुंज कुणसु व, आएसपरो हवइ एस ॥२७२३॥ "भोयण" गाहा । कण्ठ्या । इदाणिं कमो -
१. = अनादरः ।
