Page Text
________________
२८८
विसेसचुण्णि
[पडिबद्धसेज्जापगयं वणदवं वा दाउं कोइ वच्चेज्ज । कुटुंबिओ वा हलकुलियादि जोएत्ता छेत्तुं वच्चेज्ज णिदिणिउं वा। कुत्सितं येषां कर्म ते कुकर्मिणः जहा मच्छबंध-वाह-साउणिया दिवे पभातं ति जालाणि वग्गुराओ कूडाणि य गहाय गच्छेज्ज । कुम्मारेण जो मारेइ सो कुम्मारिओ जहा वल्लदहगा ते पाभायं ति वच्चंति अडवीए । तेणो वा पाभातमिति निग्गच्छेज्जा । अहवा पभायमिति पंथं पंथिओ गच्छेज्ज । मालागारा वा चंगोडाहत्थगया पुप्फाण गच्छेज्जा गच्छिउं वा आरद्धा । उब्भामगो वा पभायमिति णिग्गच्छेज्ज, अहवा आइज्जा ताहे से संगारो कएल्लगो। पंथिया वा कप्पडियादी पहाविया पभायमिति । तेल्लियचक्कं वा उच्छुजंतं वा पवाहेज्ज । एत्थ जं ते करेंति तन्निप्फण्णं । सुत्तपरिहाणी भवइ । कहं पुण? ।
आसज्ज निसीही वा, सज्झाय न करिति मा हु बुज्झिज्जा । तेणासंका लग्गण, संजम आयाएँ भाणादी ॥२५८८॥
"आसज्ज०" गाहा । मा गिहत्था विच्छुब्भिहिंति अधिकरणभएण आसज्जं न करेइ मा. (मासलघु), आवस्सियं न करेंति पंचराइंदिया । एवं णिस्सीधियाए वि । सुत्तपोरिसिं न करेइ मा. (मासलघु), अत्थपोरिसिं न करेइ मा. ०। (मासगुरु), वेलतिक्कंतं आवस्सयं करेइ :: ४ (चतुर्लघु), थुईओ न भणंति मा. (मासलघु), तत्थ वसंता सुत्तं नासेंति :: ४ (चतुर्लघु), अत्थे ::। ४ (चतुर्गुरु), जं च तेहिं नटेहिं विहारं ण जाणीहिंति पायच्छित्तं च तं निप्फन्नं । एवं सुत्तपरिहाणी । इमे य दोसा-णिग्गच्छंतेण साहुणा आवस्सियादिसद्दो कओ। पदणिवायसदं वा सोउं ते गिहत्था 'तेणो'त्ति मन्नमाणा मारेज्ज, कड्डवियड्डि वा करेज्ज । एवं आयविराहणा भवइ । जुझंताणं भायणभेदो भवति । आदिग्गहणेणं गिहत्थेहिं समं अहिगरणं होज्ज । जम्हा एए दोसा तम्हा न ठाइयव्वं दव्वपडिबद्धे । बिइयपदे वसेज्जा वि इमेहिं कारणेहिं -
अद्धाणनिग्गयादी, तिक्खुत्तो मग्गिऊण असईए । गीयत्था जयणाए, वसंति तो दव्वपडिबद्धे ॥२५८९॥ "अद्धाण०" गाहा । कण्ठ्या । सा इमा जयणा -
आपुच्छण आवासिय, आसज्ज निसीहिया य जयणाए । वेरत्ती आवासग, जो जाहे चिंधण दुगम्मि ॥२५९०॥
"आपुच्छण०" गाहा । वेरत्तियवेलाए पुव्वं चेव उट्ठिएण भवियव्वं । सिय त्ति णिवण्णो छिक्केण तहेव तुसिणीएण उट्टेयव्वं । ताहे दुवग्गावि णिति, आसज्जावसियाओ हियएण करेंति । एवापुच्छिऊण (?) जयणाए णिति, एगो दारे ठाइ एगो काइयं वोसिरइ । जाहे वेरत्तियं करेंति, ताहे अप्पसद्दो जहा पासे चिट्ठिओ न सुणेइ । जं तत्थ सुत्ते अत्थे वा संकियं तं
| SR No. | 007786 |
| Book Title | Kappasuttam Vhas Vises Chunni Sahiyam Part 01 |
| Original Sutra Author | Bhadrabahuswami, Sanghdasgani Kshamashraman |
| Author | |
| Publisher | Shubhabhilasha Trust |
| Publication Year | 2016 |
| Total Pages | 504 |
| Language | Prakrit |
| Classification | Book_Devnagari & agam_bruhatkalpa |
| File Size | 3 MB |