________________
॥ पडिबद्धसेज्जापगयं ॥ [सुत्तं] नो कप्पइ निग्गंथाणं पडिबद्धसेज्जाए वत्थए ॥१-३०॥
इति ओहविभागेणं, सेज्जा सागारिका समक्खाया । तं चेव य सागरियं, जस्स अदूरे स पडिबद्धो ॥२५८३॥ नामं ठवणा दविए, भावम्मि चउव्विहो उ पडिबद्धो ।
दव्वम्मि पट्ठिवंसो, भावम्मि उ चउव्विहो भेदो ॥२५८४॥ [नि०]
["इति ओहविभागेणं०"] सूत्राभिसम्बधो गाहा सिद्ध एव । “नामं ठवणा०" गाहा । तत्थ दव्वपडिबद्धो पट्ठीवंसो = दोसु घरेसु पडिबद्धो । भावपडिबंधो इमो चउव्विहो -
पासवण ठाण रूवे, सद्दे चेव य हवंति चत्तारि । दव्वेण य भावेण य, संजोगो होइ चउभंगो ॥२५८५॥ चउत्थपदं तु विदिन्नं, दव्वे लहुगा य दोस आणादी । संसद्देण विबुद्धे, अहिकरणं सुत्तपरिहाणी ॥२५८६॥
"पासवण" ["चउत्थपदं०"] गाहा । पासवणपडिबद्धो, ठाणपडिबद्धो, रूवपडिबद्धो, सहपडिबद्धो, दव्वओ वि पडिबद्धो, भावओ वि पडिबद्धो । दव्वओ पडिबद्धो नो भावओ। चउभंगो । चउत्थे कप्पति । तत्थ बिइयभंगो-दव्वओ पडिबद्धो न भावतो । तत्थ जइ ठंति चउलहुगा, आणादिविराहणा दुविहा-संजमाताए ।
___'संसद्देण विबुद्धे' त्ति आवस्सिया आसज्ज निसीहियं करेंताणं सद्दो भवइ। तेहिं विबुद्धेहिं गिहत्थेहिं इमं अहिकरणं भवति -
आउ ज्जोवण वणिए, अगणि कुटुंबी कुकम्म कुम्मरिए । तेणे मालागारे, उब्भामग पंथिए जंते ॥२५८७॥
“आउ ज्जोवण." गाहा । अविरइयाओ पभातमिति मण्णमाणीओ आउक्कायस्स गच्छेज्ज । आउक्काए वा एए सिंचिंतु गच्छेज्ज । गाविओ घेत्तुं बइल्ले वा जोएउं अडविं दारुयाण गच्छेज्जा । कच्छपुडयं२ (?) वा गहाय वाणियओ पभायमिति मण्णमाणो वच्चेज्ज । भंडिं वा जोएउं गच्छेज्ज । अग्गिकम्मिएहिं वा अयागरादीहि पभायमिति अहिकरणाणि पलिवेज्ज ।
१. भावओ पडिबद्धो नो दव्वओ ३। दव्वओ वि न पडिबद्धो भावओ वि न पडिबद्धो ४। २. वणिजो घृतकुतुपादिकं गृहित्वा ग्रामान्तरं व्रजन्ति ।
