________________
२८०
विसेसचुण्णि
[सागारियउवस्सयपगयं जइ ता सणप्फईसुं, मेहुणभावं तु पावए पुरिसो । जीवियदोच्चा जहियं, किं पुण सेसासु जाईसु ॥२५४६॥ एसेव कमो नियमा, निग्गंथीणं पि होइ नायव्वो । पुरिसपडिमाउ तासिं, साणम्मि य जं च अणुरागो ॥२५४७॥
"जइ ता सणप्फईसुं" ["एसेव०"] गाहा । कण्ठ्या । 'जीवियदोच्चा जहियं' ति । एक्का सीही वग्घी वा खुट्टलिया गहिया । सा जोव्वणं पत्ता रितुकाले सजाइं अलभमाणिं अद्दन्ना। नवरं एक्केण पुरिसेण कहवि सागारियठाणे छिक्का । सा चाडूणि आढत्ता काउं । तेण पडिसेविया । पुरिसं घेत्तुं अडविं पविट्ठा । तत्थ गुहाए छोढुं पोग्गलं देइ । पडिबद्धा ण देइ नासिउं। निग्गंथी दिटुंतो-एक्का अविरइया अवाउडिया साणेण दिट्ठा । सो पुंछलोलं करेंते उवसग्गस्सग्गणाए अल्लिणो । सो चिंतेति-पेच्छामि ताव किं करेति ति? जन्नुएहिं हत्थेहिं य ठिया पडिसेविया य । अणुरागो जाओ। बिइयपदं -
अद्धाणनिग्गयादी, तिक्खुत्तो मग्गिऊण असईए । गीयत्था जयणाए, वसंति तो दव्वसागरिए ॥२५४८॥ जहिं अप्पतरा दोसा, आभरणादीण दूरतो य मिगा । चिलिमिलि निसि जागरणं, गीए सज्झायझाणादी ॥२५४९॥
"अद्धाणनिग्गयादी०" ["जहिं अप्पतरा०"] गाहाद्वयं कण्ठ्यम् । गीतसद्दे उच्चेण सद्देण सज्झायं करेंति झायंति वा । भावसागारिए -
अद्धाणनिग्गयादी, वासे सावयभए व तेणभए । आवरिया तिविहे वी, वसंति जयणाएँ गीयत्था ॥२५५०॥ "अद्धाणनिग्गयादी०" गाहा । कण्ठ्या । तिविहाहिं वि पडिमाहिं एसा जयणा । [सुत्तं] नो कप्पइ निग्गंथाणं इत्थीसागारिए उवस्सए वत्थए ॥१-२६॥ कप्पइ निग्गंथाणं पुरिससागारिए उवस्सए वत्थए ॥१-२७॥
एषां चतुर्णां सूत्राणां व्याख्यामभिधास्यामः । आह-व्याख्यास्यति भवानेतानि सूत्राणि कोऽस्याभिसम्बन्धः ? उच्यते -
अविसिटुं सागरियं, वुत्तं तं पुण विभागतो इणमो । मज्झे पुरिससगारं, आदी अंते य इत्थीसु ॥२५५१॥ "अविसिटुं०" गाहा । अधस्तादनन्तरसूत्रे अविशेषितं सागारियमभिहितं । तस्या
