________________
भासगाहा-२४३४-२४४५] पढमो उद्देसो
२६३ पत्थितो वि य संकइ, पत्थिज्जंतो वि संकती बलिणो ।। सेणा बहू य सोभइ, बलवइगुत्ता तहऽज्जा वि ॥२४३९॥
"पत्थितो वि०" गाहा । 'बलिणो' त्ति सेज्जायरेण बलिएणं सेनापतिना वधूससूर-पिइपक्खेणं गुत्ता सोभंति ।।
सुन्ना पसुसंघाया, दुब्बलगोवा य कस्स न वितक्का ? । इय दुब्बलनिस्साऽनिस्सिया व अज्जा वितक्काओ ॥२४४०॥
"सुन्ना पसु०" गाहा । कण्ठ्या । जहा - पसुवग्गा गोवग्गा य सुन्ना दुब्बलपरिग्गहिया य कस्स ण तक्कणिज्जा ? पच्छद्धेण उवणओ । इमे य -
अइया कुलपुत्तगभोइया उ पक्कन्नमेव सुन्नम्मि । इच्छमणिच्छे तरुणा, तेणा उवहिं व ताओ वा ॥२४४१॥
"अइया०" गाहा । कण्ठ्या । यथा पक्वान्नं शून्यम् एवं अइया कुलपुत्तगभोइयाओ। पच्छद्धेण संजईणं उवणओ ।
उच्छुयघयगुलगोरसएलालुगमाउलिंगफलमादी । पुप्फविही गंधविही, आभरणविही य वत्थविही ॥२४४२॥
"उच्छुघय०" गाहा । कण्ठ्या । जहा एए सुन्ना दुब्बलपरिग्गहिया य तक्कणिज्जा एवं संजईओ वि । बिइयपदेणं -
अद्धाणनिग्गयादी, तिक्खुत्तो मग्गिऊण असईए । संवरणं वसभा वा, ताओ व अपच्छिमा पिंडी ॥२४४३॥ "अद्धाण०" गाहा । कण्ठ्या । संवरणं वसभा करेंति ।
भोइयमहत्तरगाई, समागयं वा भणंति गामं तु । निवगुत्ताणं वसही, दिज्जउ दोसा उ भे उवरिं ॥२४४४॥
"भोइयमहतर०" गाहा । कण्ठ्या । 'निवगुत्ताणं' ति रायरक्खणियाणि तवोवणाई । वसभा वि एरिसा।
कयकरणा थिरसत्ता, गीया संबंधिणो थिरसरीरा । जियनिबिंदिय दक्खा, तब्भूमा परिणयवया य ॥२४४५॥ "कयकरणा०" गाहा । कण्ठ्या । संबंधिणो संजईणं ।
