________________
॥ सागारिकनिस्सापगयं ॥ [सुत्तं] नो कप्पति निग्गंथीणं सागारियअनिस्साए वत्थए ।
कप्पइ निग्गंथीणं सागारियनिस्साए वत्थए ॥१-२२-२३॥ सूत्राभिसंबंधे - एरिसदोसविमुक्कम्मि, आलए संजईण नीसाए ।
कप्पइ जईण भइओ, वासो अह सुत्तसंबंधो ॥२४३४॥ ["एरिसदोसवि०"] गाहा । कण्ठ्या । सागारियं अनीसा, निग्गंथीणं न कप्पए वासो । चउगुरु आयरियादी, दोसा ते चेव तरुणादी ॥२४३५॥ सागारियं अनिस्सा, भिक्खुणिमादीण संवसंतीणं ।। गुरुगा दोहिं विसिट्ठा, चउगुरुगाई व छेदंता ॥२४३६॥
["सागारियं अनीसा"] । “सागारियं अनिस्सा" । सागारिओ सेज्जायरो । निस्सा णाम सपरिग्गहो उवस्सओ भणियं होइ । सेज्जायरेण रक्खणिज्जाओ 'ममेताउ' त्ति । एयं सुत्तं आयरिओ पवत्तिणीए ण कहेइ चउगुरुया । सा न पडिसुणेइ चउलया। न कहेइ अन्नासिं चउलया । तातो न पडिस्सुणेति पवत्तिणीए मासलहं । अणिस्साए ठायंति चउगुरुया । आणादी। अहवा चउण्हं वि चउगुरुयातो आढवेत्ता छेदे ठाति । 'दोसा तेच्चेव' त्ति, जं नक्खिवालि प्रभृतयो (गा० २३०९) । किं कारणं ?
कंपइ वाएण लया, अणिस्सिया निस्सिया उ अक्खोभा । इय समणी अक्खोभा, सगारिनिस्सेयरा भइया ॥२४३७॥ दोहि वि पक्खेहिँ सुसंवुयाण तह वि गिहिनीसमिच्छंति । बहुसंगहिया अज्जा, होइ थिरा इंदलट्ठी वा ॥२४३८॥ "कंपइ०" ["दोहि वि०"] गाहा । कण्ठ्या । इयरे भइय' त्ति अणिस्साए भयणा ।
'दोहि वि' त्ति आयरिएणं पवत्तिणीए य । जहा इंदलट्ठी इंदकुमारियाहिं बद्धा निक्कंपा भवइ ।
१. मल० वृत्तौ अप्रतिशृण्वन्त्या अकथयन्त्याश्च चतुर्गुरु प्रायश्चितं निर्दिष्टम् ।
