________________
२५८ विसेसचुण्णि
[दगतीरपगयं "पढमे गिलाणकारण" गाहा । 'पढमे' त्ति दगतीराए । तत्थ गिलाणकारणेणं ठाएज्ज । केरिसं तं पुण गिलाणकारणं ? तत्थ गाहा -
विज्जदवियट्ठाए, निज्जंतों गिलाणो असति वसहीए ।
जोग्गाए वा असती, चिट्ठे दगतीरऽणोयारे ॥२४२१॥
"विज्जदवि०" गाहा । वेज्जस्स वा सकासं निज्जंतो उसहाण वा असइ अन्नत्थ निज्जंतो अन्नत्थ नत्थि वसहि त्ति काउं तत्थ ठाएज्ज । गिलाणपाउग्गा वा वसही नत्थि, अन्नत्थ दगतीराए य अत्थि वसही ताहे तत्थ ठाएज्ज । अहवा निज्जंतो गिलाणो वि समणट्ठाए दगतीराए ओयारिज्जइ मुहत्तगं । तत्थ पुण इमा जयणा-जत्थ तिरियादीण नत्थि उयारो तत्थ ठविज्जइ । तत्थ इमा जयणा -
उदगंतेण चिलिमिणी, पडियरए मोत्तु सेस अन्नत्थ । पडियर पडिसंलीणा, करिज्ज सव्वाणि वि पयाणि ॥२४२२॥ अद्धाणनिग्गयादी, संकम अप्पाबहुं असुन्नं च । गेलन्नसेहभावो, संसट्टसिणं व निव्वविउं ॥२४२३॥
"उदगंतेण चिलिमिणी०" ["अद्धाणनिग्गयादी०"] गाहा । कण्ठ्या । पढमे त्ति गयं । इयाणि बितिए त्ति जूवगं ।
तत्थ वसहीए असइ, अद्धाणनिग्गयादी साहुणो ताहे जूवए ठाउकामा 'अप्पाबहुए'' त्ति तेहिं संकमेहिं जेहिं निप्पच्चवायं तेण गम्मइ । 'असुण्णं' ति दिया व राओ वि असुन्नं पडिस्सयं करेंति । तत्थ जइ गिलाणसेहाण पाणियंतेण असुभो भावो उप्पज्जइ ताहे पन्नविज्जति संसट्ठपाणयं वा उसिणोदयं वा सुनिव्ववियं काउं दिज्जइ ।
इयाणिं राइणियकज्जकरण त्ति (गा० २४२०)। राइणिओ रायी, तत्थ किंचि कज्जं अहीणं होज्ज, सो य न कारिज्ज तं कज्जं । तस्स राइणियस्स जूवयं गंतव्वं होज्ज । ताहे सो साहू तत्थ आयावेज्ज, तेण कज्जेण तं आयावेंतं दटुं महातवस्सि त्ति अल्लिएज्ज, तत्थ आउट्टो कज्जं काहिइ । एए कारणेण आयावेज्ज । तत्थ गाहा -
ओलोयण निग्गमणे, ससहाओ दगसमीवे आयावे । उभयदढो भोगजढे, कज्जे आउट्ट पुच्छणया ॥२४२४॥
"ओलोयण" गाहा । जत्थ लोगो ओलोएइ । राया रण्णो वा निग्गमणपहे, न एक्काणिओ ससहायो । उभयदढो नाम धिइए बलेण य । 'भोगजढे'त्ति । जत्थ गामा रन्नाणं
१. अप्पबहुं मुच ।
