________________
२५२ विसेसचुण्णि
[दगतीरपगयं इदाणिं ग्रामेयकानां दोषा वन्नंति तत्थ गाहा - गामेय कुच्छियाऽकुच्छिया य एक्केक्क दुटुऽदुट्ठा य । दुट्ठा जह आरण्णा, दुगुंछियऽदुगुंछिया नेया ॥२३९१॥ भुत्तियरदोस कुच्छिय, पडिणीय च्छोभ गिण्हणादीया ।
आरण्णमणुय थीसु वि, ते चेव नियत्तणाईया ॥२३९२॥
"गामेय कुच्छिया०" ["भुत्तियर०"] गाहा । ते ग्रामेयका तिरिया दुविहादुगुंछिया अदुगुंछिया य। दुगुंछिया गद्दभाई । अदुगुंछिया वि दुट्ठा अदुट्ठा य । तेसु दुगुंछिय अदुगुंछिएसु जे दुट्ठा तेसिं जहा आरण्णयाण दोसा तहा जाणेज्ज । तत्थ दुगुंछिया अदुट्ठा । तेसु भुत्ताभुत्तभोगीणं सइकरणकोउगदोसा विभासियव्वा । पडिणीओ वा कोइ छोभगं२ देज्जामए समणो दिट्टो गद्दभिं पडिसेवमाणो । गेण्हणादिया वा दोसा विभासियव्वा । एए तिरियाणं दोसा। मणुया दुविहा-आरन्नगा ग्रामेयगा य । तत्थ आरण्णयाणं मणुयाणं इत्थिकाण य इमे दोसा नियत्तणादीया पूर्वोक्ता । इमे य दोसा -
पायं अवाउडाओ, सबराईओ तहेव नित्थक्का । आरियपुरिस कुतूहल, आउभयपुलिंद आसुवहो ॥२३९३॥ थीपरिसअणायारे. खोभो सागारियं ति वा पहणे । गामित्थी पुरिसेहि वि, ते च्चिय दोसा इमे अन्ने ॥२३९४॥
"पायं अवाउडाओ०" ["थीपुरिस अणाया०"] गाहा। साहुं दट्ठण आरियपुरिस त्ति काउं पुलिंदियाइ कोउगेण साहुसमीवे एज्ज । तत्थ आयपरसमुत्था दोसा, मेहुणे पुलिंदओ वा दट्ठण तं इत्थियं साहुसगासं गयं खिप्पं मारेज्ज । अहवा सो पुलिंदओ पुलिंदियाए समं अणायारं आयरेज्ज, तत्थ भुत्ताभुत्ताणं सइकरणकोउकादी दोसा । एस खोभो । अहवा सो पुलिंदओ अणायारमायरिउकामो सागारियं ति काउं पहणेज्ज वा मारेज्ज वा । एए आरण्णयाण दोसा । ग्रामेयकपुरिस इत्थीण वि एए चेव दोसा । इमे य अन्ने दोसा -
चंकमणं निल्लेवण, चिट्ठित्ता तम्मि चेव तूहम्मि ।
अच्छंते संकापद, मज्जण दटुं सतीकरणं ॥२३९५॥ [नि०]
"चंकमणं०" गाहा । कोइ चंकमणं करेइ, दगतीरे साहुं दटुं तत्थ एइ, एत्थ चंकमणं करेस्सामि पुच्छिस्सामि य । अहवा साहुं दगतीराए चंकमंतं दटुं तत्थ एज्ज । अहं पि एत्थ
१. जेसि अ इ । २. = अभ्याख्यानं (मलवृ) ।
