________________
भासगाहा-२३२६-२३३५] पढमो उद्देसो
२३९ संजइए वा संथारए अन्ना गिहत्थी संजइच्चियाणि उच्छायणणियत्थाणि पाउणित्ता तत्थ णिवेज्जेज्ज संजई गच्छेज्ज । जम्हा एए दोसा तम्हा एगं पत्थारं अंतो किच्चा एगं पत्थारं बाहिं किच्चा ।
पत्थारो अंतो बहि, अंतो बंधाहिं चिलिमिलिं उवरिं । पडिहारि दारमूले, मत्तग सुवणं च जयणाए ॥२३३१॥ [नि०] "पत्थारो अंतो बाहिं०" गाहा । अस्य व्याख्या -
असई य कवाडस्सा, बिदलकडादी अ दो कडा उभओ । फरमुट्ठियस्स सरिसो, बाहिरकडयम्मि बंधो उ ॥२३३२॥
"असई य०" गाहा । जइ कवाडं दुवारबंधणं नत्थि, ताहे पत्थारो कीरइ । केरिसो? विदलकडो वंसकडो आदिग्रहणेन कंडकडओ । एरिसा दोन्नि कडगा कीरंति, एगो अंतो एगो बाहिं । बाहिरिल्लओ कडगम्मि बंधो फरमुट्ठियसरिसो अब्भंतरेण बज्झइ ।
सुत्ताइरज्जुबंधो, दुच्छिड्ड अभितरिल्लकडयम्मि । हेट्ठा मज्झे उवरिं, तिन्नि व दो वा भवे बंधा ॥२३३३॥
"सुत्तादि०" गाहा । सुत्तिओ परिथूलो निक्कवो आदिग्रहणात् वागमओ वा बंधो । रज्जू वा अभितरिल्लकडगस्स दो छिड्डा हेट्ठोवरि कीरति । बाहिरकडगस्स फरमुट्ठीए पवेसेत्ता अभितरिल्लस्स दोसु छिड्डेसु पवेसेत्ता अभितरेण णिक्कालेत्ता बज्झइ । एरिसा दोन्नि वा तिन्नि वा बंधा बझंति । 'चिलिमिणि' त्ति (गा० २३३१) अभितरे कडगस्स उप्परिं चिलिमिणी कीरइ, सा तं बंधं गोवेइ । तहा य बज्झइ जहा पडिहारिं मोत्तुं अन्ना काइ ण याणइ । पडिहारी य दारमूले ठाइ । सा केरिसी ?
काएण उवचिया खलु, पडिहारी संजईण गीयत्था । परिणय भुत्त कुलीणा, अभीरु वायामियसरीरा ॥२३३४॥
"काएण उवचिया०" गाहा । कण्ठ्या । वायामिया समत्था । तत्थ य संजईणं रत्ति इमा सामाचारी -
आवासगं करित्ता, पडिहारी दंडहत्थ दारम्मि । तिन्नि उ अप्पडिचरिउं, कालं घेत्तूण य पवेए ॥२३३५॥
