________________
॥ अवंगुयदुवारुवस्सयपगयं ॥
[सुत्तं] नो कप्पइ निग्गंथीणं अवंगुयदुवारिए उवस्सए वत्थए । एगं पत्थारं अंतो किच्चा एगं पत्थारं बाहिं किच्चा ओहाडियचिलिमिलियागंसि एवं णं कप्पइ वत्थए ॥१-१४॥
सूत्राभिसम्बन्धे इयं गाहा - पडिसिद्धविवक्खेसुं, उवस्सएहिं उ संवसंतीणं । बंभवयगुत्ति पगए, वारितऽन्नेसु वि अगुत्तिं ॥२३२६॥
"पडिसिद्ध०" गाहा । पडिसिद्धस्स विवक्खा । जे कप्पंति तहियं वसंतीणं बंभवयस्स गुत्ती कायव्वा ।
दारे अवंगुयम्मी, निग्गंथीणं न कप्पए वासो ।
चउगुरु आयरियाई, तत्थ वि आणाइणो दोसा ॥२३२७॥
"दारे अवंगुतम्मी०" गाहा । कण्ठ्या । आदिग्रहणात् एयं सुत्तं आयरिओ पवत्तिणीए ण कहेइ चउगुरुया।
दारे अवंगुयम्मी, भिक्खुणिमादीण संवसंतीणं । गुरुगा दोहि विसिट्ठा, चउगुरुगादी व छेदंता ॥२३२८॥ "दारे अवंगुयम्मी०" गाहा । कण्ठ्या । इमे दोसा - तरुणे वेसित्थीओ, विवाहमादीसु होइ सइकरणं । इच्छमणिच्छे तरुणा, तेणा ताओ व उवहिं वा ॥२३२९॥ "तरुणा०" दारगाहा । तरुणा पूर्वोक्ताः मे अब्भहिया ।
अन्ने वि होंति दोसा, सावय तेणे य मेहुणट्ठी य । वइणीसु अगारीसु य, दोच्चं संछोभणादीया ॥२३३०॥
"अन्ने वि०" गाहापुव्वद्धं कण्ठ्यम् । 'वइणीसु' त्ति संजई काइ मोहब्भवेणं दूई पेसेज्ज, पडियाइक्खणं च विभासा। अगारो वा रत्तिं पासुत्तासु दूई पेसेज्ज । 'संछोभ' त्ति
