________________
॥ रच्छामुहावणपगयं ॥
[सुत्तं] नो कप्पइ निग्गंथीणं आवणगिहंसि वा रच्छामुहंसि वा सिंघाडगंसि वा तियंसि वा चउक्वंसि वा चच्चरंसि वा अंतरावणंसि वा वत्थए ॥१-१२॥
अस्य सूत्रस्य कोऽभिसम्बन्धः ? तत्रेयमभिसम्बन्धगाहा - एयारिसखेत्तेसुं, निग्गंथीणं तु संवसंतीणं ।। केरिसयम्मि न कप्पति, वसिऊण उवस्सए जोगो ॥२२९५॥१ दिट्ठमुवस्सयगहणं, तत्थऽज्जाणं न कप्पइ इमेहिं ।
वुत्ता सपक्खओ वा, दोसा परपक्खिया इणमो ॥२२९६॥
["एयारिसखेत्तेसुं०"] "दिट्ठमुवस्सय०" गाहा । कण्ठ्या । इमेहिं वक्ष्यमाणेहिं अनेनाभिसम्बन्धेनायातस्य व्याख्या क्रियते -
आवणगिह रच्छाए, तिए चउक्कंतरावणे तिविहे । ठायंतिगाण गुरुगा, तत्थ वि आणाइणो दोसा ॥२२९७॥ "आवण०" गाहा । तिविहो अंतरावणो भण्णिहिति । जं आवणमज्झम्मी, जं च गिहं आवणा य दुहओ वि । तं होइ आवणगिहं, रच्छामुह रच्छपासम्मि ॥२३९८॥ तं पुण रच्छमुहं वा, बाहिमुहं वा वि उभयतोमुहं वा ।
अहवा जत्तो पवहइ, रच्छा रच्छामुहं तं तु ॥२३९९॥
"जं आवण" ["तं पुण०"] गाहा । जं गिहं समंतओ आवणेहिं परिक्खित्तं । 'जं गिहं आवणो य, दुहओ वि' त्ति दोहिं पासेहिं आवणाण मज्झे गिहं । 'रच्छामुह रच्छा पासम्मि' त्ति । तं रच्छाए पासे तं तिविहं-रच्छं वा अभिमुहद्दारं, पिट्ठओ वा से रच्छा । 'उभयतो मुहं च' त्ति । जस्स दोन्नि दाराणि, दो वि दारा रच्छाभिमुहा ।
१. गाथेयं चूर्णिकृता विशेषचूर्णिकृता च न व्याख्याता, वृत्तिकृता व्याख्याता ।
