________________
भासगाहा-२२८६-२२९४] पढमो उद्देसो
२३१ तं नत्थि गाम नगरं, जत्थियरीओ न संति इयरे वा ।
पुणरवि भणामु रन्ने, वस्सउ जति मेलणे दोसा ॥२२९०॥
"तं नत्थि गामनगरं०" गाहा । जत्थ इयरे वा इयरीओ वा ण संति । इयरे णाम पासत्थादओ । इयरीओ संजईओ। जइ मेलणाए दोसा तो पुव्वं पि मए भणियं-रण्णे वसियव्वं । किं कारणं? पासत्थोसन्नकुसीलसंसत्ताणं संजईणं य गामनगराणि भरियाणि, कहं मेलओ न होहिति ? आयरिओ भणइ -
दिद्रुतो पुरिसपुरे, मुरुंडदूतेण होइ कायव्वो । जह तस्स ते असउणा, तह तस्सितरा मुणेयव्वा ॥२२९१॥ पाडलि महँडदूते, पुरिसपुरे सचिवमेलणाऽऽवासो । भिक्खू असउण तइए, दिणम्मि रन्नो सचिवपुच्छा ॥२२९२॥ निग्गमणं च अमच्चे, सब्भावाऽऽइक्खिए भणइ दूयं ।
अंतो बहिं च रच्छा, नऽरहिति इहं पवेसणया ॥२२९३॥
"दिटुंतो पुरिसपुरे०" ["पाडली मरुंड दूते०" "निग्गमणं च अमच्चे०"] गाहा सिद्धमेव । अमच्चेण पुच्छिओ दूओ। किं न पविससि ? तइओ दिवसो आगयस्स ते - दूओ भणइ-अहं पढमदिवसे पट्रिओ, तच्चनिए' दट्टण अवसऊणो त्ति काऊण पडिनियत्तो । एवं बिइए तइए वि दिवसे । अमच्चो भणइ-एते एत्थ ण चेव अवसउणा घेप्पंति । जहा तस्स ते अवसउणो तहा अम्ह वि पासत्थादीणं संजइओ अवसउणो । कि निमित्तं? जं तासि कज्जं तं अत्थि अन्ने करेंतया । किं च -
जह चेव अगारीणं, विवक्खबुद्धी जईसु पुव्वुत्ता । तह चेव य इयरीणं, विवक्खबुद्धी सुविहिएसु ॥२२९४॥ "जह चेव अगारीणं०" गाहा । कण्ठ्या ।
[वगडापगयं समत्तं]
१. तच्चनिका = भिक्षुविशेषाः ।
