________________
पढो उद्देस
कतरो सो जेण निसिं, कन्ना णे पूरिया व अमयस्स । सो म अहं अज्जाओ ! आसि पुरा सुस्सरो किं वा ? ॥२२६६॥ रुक्खासणेण भग्गो, कंठो मे उच्चसद्दपढओ य । संय कुलम्मि नेहं दावेमि कए पुणो पुच्छा ॥२२६७॥ संदंसणेण पीई, पीईउ रई रईउ वीसंभो । वीसंभाओ पणओ, पंचविहं वड्ढए पिम्मं ॥ २२६८॥
भासगाहा - २२५८-२२७४ ]
जह जह करेसि नेहं, तह तह नेहो में वड्ढइ तुमम्मि । तेण नडिओ मि बलियं, जं पुच्छसि दुब्बलतरोति ॥ २२६९॥ अमुगदिणे मुक्ख रहो, होहि दारं व वोज्झिहि रतिं । तइया णे पूरिस्सइ, उभयस्स वि इच्छियं एयं ॥२२७०॥ " कतरो सो जेण० " [" रुक्खासणेण० " सदंसणेण० " "जह जह करेसि० " " अमुगदिणे० " ] गाहाओ कण्ठाओ । 'अमुगदिवसं रहो हिंडिहि त्ति तद्दिवसं अम्हं रक्खिज्जंताणं मोक्खो होहिति तद्दिवसं वीसत्था मिलिस्सामो' । 'संखडि'' त्ति सामन्नस्स खंडणा छिड्डीओ वा तद्दिवसं वहिस्संति, ओहावेज्ज वा ते ।
11
एगम्मि दोसु तीसु व, ओहावंतेसु तत्थ आयरिओ ।
मूलं अणवटुप्पो, पावइ पारंचियं ठाणं ॥ २२७१॥
२२७
"एक्कम्मि० " गाहा । एक्के ओहावेंते मूलं, दोहिं अणवट्टो, तिहिं पारंचिओ । बिइयपदे एएस वि ठाणेसु ठाइज्ज ।
अद्धाणनिग्गयाई, तिक्खुत्तो मग्गिऊण पडिलोमं ।
गीयत्था जयणाए, वसंति तो अभिदुवाराए ॥२२७२ ॥
" अद्धाणनिग्गयाई ० " गाहा । अद्धाणणिग्गया ते साहुणो तत्थ पत्ता, ताहे अणेगवगडाए अणेगनिक्खमणपवेसं मग्गति । तिक्खुत्तो मग्गिए जइ न लब्भेज्ज ताहे तइयभंगे ठायंति । अत्राप्यलभ्यन्ते तिक्खुत्तो मग्गियव्वं । एयं पडिलोमं । तत्थ गीयत्थाणं इमा जयणा -
सिंगारवज्ज बोले, अह एगो विज्जपाढऽणुच्चं च । सड्ढादीनिब्बंधे, कहिए वि न ते परिकर्हिति ॥२२७३॥
कडओ व चिलिमिली वा, तत्तो थेरा य उच्चनीए वा । पासे ततो न उभयं, मत्तग जयणाऽऽउल ससद्दा ॥२२७४॥ १. संखडत्ति भाव्यम् ?
