________________
२२६ विसेसचुण्णि
[वगडापगयं आत-पर-तदुभयसमुत्था य दोसा उप्पज्जंति । अहवा कक्खंतरगुज्झंताणि दट्ठण मोहो उदिज्जेज्जकहं मम एयाए समं मेहुणसंपत्ती होज्ज ? त्ति । ताहे इमे दस वेगा होज्जा ।
चिंता य दटुमिच्छइ, दीहं नीससइ तह जरो दाहो ।
भत्तअरोयग मुच्छा, उम्मत्तो न याणई मरणं ॥२२५८॥ [नि०] "चिंता य दट्ठमिच्छइ०" गाहा । एईसे वक्खाणगाहाओपढमे सोयइ वेगे, दटुं तं इच्छई बिइयवेगे । नीससइ तइयवेगे, आरुहइ जरो चउत्थम्मि ॥२२५९॥ डज्झइ पंचमवेगे, छटे भत्तं न रोयए वेगे । सत्तमगम्मि य मुच्छा, अट्ठमए होइ उम्मत्तो ॥२२६०॥ नवमें न याणइ किंची, दसमे पाणेहिं मुच्चई मणूसो । एएसिं पच्छित्तं, वोच्छामि अहाणुपुव्वीए ॥२२६१॥
"पढमे सोयइ०" ["डज्झइ०" "नवमे०"] गाथात्रयं कण्ठ्यम् । एएसिं जहासंख्येन इमं पच्छित्तं -
मासो लहुओ गुरुओ, चउरो मासा हवंति लहुगुरुगा ।
छम्मासा लहुगुरुगा, छेदो मूलं तह दुगं च ॥२२६२॥ "मासो लहुओ०" गाहा । कण्ठ्या । एक्कम्मि दोसु तीसु व, ओहावितेसु तत्थ आयरिओ । मूलं अणवठ्ठप्पो, पावइ पारंचियं ठाणं ॥२२६३॥
"एक्कम्मि०" गाहा । कण्ठ्या । मोहोदएण एक्का ओहावइ मूलं, दोण्णि ओहावंति अणवठ्ठो, तिन्नि ओहावंति पारंचिओ ।
इदाणि धम्मकह त्ति । तत्र पोरातना गाहा -
धम्मकहासुणणाए, अणुरागो भिक्खसंपयाणे य । संगारे पडिसुणणा, मोक्ख रहे चेव खंडीए ॥२२६४॥ [नि०] "धम्मकहासुणणाए०" गाहा । अस्य व्याख्या -
असुभेण अहाभावेण वा वि रत्तिं निसंतपडिसंते । वत्तेइ किन्नरो इव, कोइ पुच्छा पभायम्मि ॥२२६५॥ "असुभेण०" गाहा । पच्छा संजईओ पुच्छंति -
