________________
१९८ विसेसचुण्णि
[मासकप्पपगयं सेज्जायरस्स कधिज्जइ । तेण उवालद्धो जइ न ठाइ असईए वा सेज्जातरस्स किच्चकरभोइयादि विभासा । पडिणीए त्ति गयं ।
इदाणि भिक्खणिग्गमे त्ति दारं -
दो थेरि तरुणि थेरी, दोन्नि य तरुणीउ एक्किया तरुणी। चउरो अ अणुग्घाया, तत्थ वि आणाइणो दोसा ॥२०८७॥
"दो थेरि०" गाहा । जइ दोण्णि थेरीओ णिग्गच्छंति भिक्खस्स :: ।४ (चतुर्गुरु), तरुणी थेरी य जइ निग्गच्छंति :: ४ (चतुर्गुरु), दो तरुणीओ निग्गच्छंति :: ।४ (चतुर्गुरु), जइ एक्का थेरी णिग्गच्छइ :: ४ (चतुर्गुरु), जइ एक्किक्किया तरुणी णिग्गच्छइ :: ।४ (चतुर्गुरु) ।
चउकण्णं होज्ज रहं, संका दोसा य थेरियाणं पि। कुट्टिणिसहिता बितिए, तइयचउत्थीसु धुत्ति त्ति ॥२०८८॥
"चउकण्णं०" गाहा । दोन्हं थेरीणं दोसा-दुवे वि भिन्नरहस्सिओ होज्जा । तरुणीए थेरीए लोगो भणेज्ज-कट्रिणिसहिया हिंडति । दोण्हं तरुणीणं दोसा-धुत्तिए त्ति संभाविज्जंति । एक्काए थेरीए स एव धुत्तिदोसो। एक्का तरुणी तक्कणिज्ज सपच्चवाया य । विभासा । जम्हा एए दोसा तम्हा इमो विही -
पुरतो य मग्गतो या, थेरीओ मज्झ होंति तरुणीओ।।
अइगमणे निग्गमणे, एस विही होइ कायव्वो ॥२०८९॥
"पुरओ य०" गाहा । पुरओ थेरीओ, तरुणीओ मज्झे, मग्गओ पुणरवि थेरीओ । एवं बहुयाणं । जहण्णेणं पुण तिण्णि णिग्गच्छंति । तत्थ एक्का थेरी पुरओ, एक्का थेरी मग्गओ, मज्झे तरुणी। एत्थ गाहा -
तिगमादसंकणिज्जा, अतक्कणिज्जा य साणतरुणाणं ।
अन्नोन्नरक्खणेसण, वीसत्थपवेसकिरिया य ॥२०९०॥ "तियमादसंकणिया०" गाहा । जत्थ पुण अंतरे कोट्ठओ होज्जा तत्थ इमा विहि -
थेरी कोट्ठगदारे, तरुणी पुण होइ तीऍ णादूरे। बिइय किढी ठाइ बहि, पच्चत्थियरक्खणट्ठाए ॥२०९१॥ "थेरी कोट्ठगदारे०" गाहा । एक्का थेरी तस्स कोट्ठयस्स दारे ठाइ । तरुणी दारस्स
१. मलयगिरिसूरिभिः अस्याः वृत्तिः न कृता, गुरुनियोगतश्चूणिरेव लिखिता ।
