________________
१९३
भासगाहा-२०५१-२०६१] पढमो उद्देसो जत्थ भद्दवओ जणो साहुभाविओ तत्थ वसही केरिसी ?
जत्थाहिवई सूरो, समणाणं सो य जाणइ विसेसं । एतारिसम्मि खेत्ते, समणाणं होइ पडिलेहा ॥२०५६॥ जहियं दुस्सीलजणो, तक्करसावयभयं व जहि नत्थि । निप्पच्चवाय खेत्ते, अज्जाणं होइ पडिलेहा ॥२०५७॥ गुत्ता गुत्तदुवारा, कुलपुत्ते सत्तमंत गंभीरे। मीयपरिस मद्दविए, ओभासण चिंतणा दाणे ॥२०५८॥
["जत्थाहिवई सूरो०" "जहियं दुस्सीलजणो०"] "गुत्ता गुत्तदुवारा०" गाहा । गुत्ता वइपरिखित्ता कुड्डपरिखित्ता वा, वसहीए दुवारं सकवाडं अभितरबंधणं, सेज्जातरो कुलपुत्तो सत्तमंतो जो न केणइ खोभिज्जइ, गंभीरो अचवलो । जहा केणइ भणियं–मए संजई उच्चारादि आयरंती विणियंसणी दिट्ठा । जो तं सोउं भणइ, मा एवं भणाहि । एरिसो गंभीरो । सो भण्णइ-अज्जाणं वसहिं देहि । सो भणइ-अणुग्गहो मे । ताहे भण्णइ-जइ रक्खसि तो ठविज्जंति । आमं रक्खामि । किहा? जह माया, भइणीओ। ते भणंति-न, न एवं रक्खिजंति । जया ताओ अप्पणो मेहुणए समं हसंति तया तुमं किं वारेसि?' जइ एवं तो न रक्खियव्वाओ। तो किह रक्खामो? जहा अच्छीणि अप्पनिज्जएण वा परायएण वा हत्थेण ण छोकिज्जति । एवं जइ रक्खग्गहो मे ताहे भण्णइ-जइ भणसि आमं रक्खामि तो आणिज्जंति । अपडिवज्जते ठवेइ ::।४ (चतुर्गुरु) । जं च विराहणं पाविहिति तं निप्फण्णं । अन्नाए परिवाडीए -
घणकुड्डा सकवाडा, सागारियमाउभगिणिपेरंता । निप्पच्चवाय जोग्गा, विच्छिन्नपुरोहडा वसही ॥२०५९॥ "घणकुड्डा सकवाडा०" गाहा । कण्ठ्या । नासपणे नातिदरे, विहवापरिणयवयाण पडिवेसे ।
मज्झत्थऽवियाराणं, अकुऊहलभावियाणं च ॥२०६०॥ "नासण्ण नातिदूरे०" गाहा । कण्ठ्या । भोइयमहतरगादी, बहुसयणो पिल्लओ कुलीणो य । परिणतवओ अभीरू, अणभिग्गहिओ अकुतूहली ॥२०६१॥
१. किं करोसि? अ इ ।
