________________
१९२ विसेसचुण्णि
[मासकप्पपगयं (दश० चू० २.१२) सिलोगो । वज्जभीरू । वज्जं नाम गरहियं कम्मं वज्जं भण्णइ तस्स भीरू । 'ओयंसि तेयस्सी' त्ति ।
आरोहपरिणाहा, चियमंसो इंदिया य पडिपुण्णा।
अह ओओ तेओ पुण, होइ अणोतप्पया देहे ॥२०५१॥
"आरोहपरिणाहा०" गाहा । आरोहो णाम नाइदीहो नाइमंडलो । परिणाहो णाम नातिथूलो नातितणुओ । चियमंसा नाम न पंसुलियादी दीसंति । 'अणुतप्पता देहि'त्ति तेजोयुक्तत्वान्न शक्यते परिभवितुं । संगहो-दव्वे वत्थाईहिं, भावे सुत्तत्थेहिं । उवग्गहे दव्वे ओसहादीहिं, भावे नाणादीतिए कुसलो । एतेसु अहवा कुसलो दव्वे, जो दब्भे लुणाई । भावे जो कम्मं लुणाइ । गणहरपरूवण त्ति गयं ।
इदाणि क्षेत्रमार्गणा । क्षेत्रं प्रतिलेखयितव्यमित्यर्थः । तत्थ गाहा - खित्तस्स उ पडिलेहा, कायव्वा होइ आणुपुव्वीए। किं वच्चई गणहरो, जो चरई सो तणं वहइ ॥२०५२॥
"खेत्तस्स य०" गाहा । तं पुण खेत्तं केण पडिलेहेयव्वं ? किं संजईओ गच्छंति ? संजया गच्छंति?
संजइगमणे गुरुगा, आणादी सउणि पेसि पिल्लणया। [ उवलोभे तुच्छा आसियावणाइणों भवे दोसा ॥२०५३॥
"संजइ गमणे गुरुगा०" गाहा । जहा शकुनी मंसपेसि हरइ । एवं ता ओहीरंति बला वि, ताओ आधरिसिज्जंति तक्कणिज्जाओ ।
तुच्छेण वि लोभिज्जइ, भरुयच्छाहरण नियडिसड्डेणं ।
णंतनिमंतण वहणे, चेइय रूढाण अक्खिवणं ॥२०५४॥
"तुच्छेण वि०" गाहा । जहा भरुयच्छे तच्चनियसड्डो कवडसड्ढो होऊण पडिलाहणं करेमि त्ति वहणे छोढूण आसियावियाओ ।
एएहि कारणेहिं, न कप्पई संजईण पडिलेहा । गंतव्वं गणहरेणं, विहिणा जो वण्णिओ पुट्विं ॥२०५५॥
"एएहि कारणेहिं०" गाहा । कण्ठ्या । 'जो चर:' (गा० २०५२) त्ति सोधे य वहइ । अण्णो वा जइ गणहरो दुक्खेण होज्ज, अन्नो तग्गुण एव पडिलेहओ जाइं । तं पुण केरिसं खेत्तं?
