________________
१८६ विसेसचुण्णि
[मासकप्पपगयं दोन्नि वि दाउंगमणं, धारणकुसलस्स खेत्तबहि देइ। किइकम्म चोलपट्टे, ओवग्गहिया निसिज्जा य ॥२०१७॥
"दोन्नि वि दाउं०" गाहा । आयरिओ सुत्तपोरुसिं अत्थपोरुसिं च दाउं अहालंदियाण सगासं गंतुं अत्थं सारेइ । अह न तरइ सुत्तपोरुसिं दाउं गच्छति, तदा वि ण तरइ तो गच्छेल्लए सीसेण वायावेइ । सो अहालंदिए वाएइ । जइ न सक्केइ गंतुं ताहे जो तेसिं अहालंदियाणं धारणाकुसलो सो अंतरपल्लिं एइ । आयरिया तस्स गंतुं कहेंति । एत्थ पुण संघाडो भत्तपाणं गहाय आयरियस्स णेइ । अस्य विभाषा -
अत्थं दो व अदाउं, वच्चइ वायावए व अन्नेणं । एवं ता उडुबद्धे, वासासु य काउमुवओगं ॥२०१८॥ "अत्थं दो व०" गाहा । कण्ठ्या ।। संघाडो मग्गेणं, भत्तं पाणं च नेइ उ गुरूणं ।
अच्चुण्डं थेरा वा, तो अंतरपल्लिए एइ ॥२०१९॥ "संघाडो०" गाहा । कण्ठ्या ।
अंतर पडिवसभे वा, बिइयंतर बाहिं वसभगामस्स । अन्नवसहीऍ तीए, अपरीभोगम्मि वाएइ ॥२०२०॥
"अंतर पडिवसभे वा०" गाहा । अंतरपल्लियाए पडिवसभस्स य अंतरे वाएइ । अतरते सग्गामे अन्नाए वसहीए, असइ वसहीए एक्कवसहीए चेव अपरिभोगे ओवासे वाएइ । तत्थ इमा सामायारी -
तस्स जई किइकम्म, करिति सो पुण न तेसिं पकरेइ ।
जा पढइ ताव गुरुणो, करेइ न करेइ उ परेणं ॥२०२१॥
"तस्स जई०" गाहा । कण्ठ्या । एवं उडुबद्धे, वासावासासु पुण उवओगं करेइ । जइ जाणइ पडिहिति वासं तो न एइ । अह न पडिहिइ तो एइ । चोलपट्रयहरणबिइओ उवग्गहियं णिसेज्जं गेण्हइ । तत्थ उवेसति ।
एक्को वा सवियारो, हवंतऽहालंदियाण छ ग्गामा । मासो विभज्जमाणो, पणगेण उ निट्ठिओ होइ ॥२०२२॥
"एक्को वा सवियारो०" गाहा । जइ एगो गामो सवियारो ताहे छब्भागे करेंति । छच्चेव य वसहीओ । ताहे एक्केक्का वसहीए पंचदिवसे अच्छंति । ताहे दोसु छसु वा गामेसु अच्छंति । पंच पंच दिवसे मासो विभज्जमाणपणएणं णिट्टिओ होइ ।
