________________
भासगाहा-१९३३-१९४१] पढमो उद्देसो
१७३ उण्होदगं दद्दरबद्धं, मट्टियं हत्थसोयणं देति । पच्छा गंध-चुण्ण-तंबोलं वा दिज्जइ । अहवा भणेज्ज -
चउपादा तेगिच्छा, को भेसज्जाइँ दाहिई तुब्भं । तहियं च पुव्वपत्ता, भणंति पच्छाकडादऽम्हे ॥१९३७॥
"चउप्पाया तेगिच्छा०" गाहा । वेज्जो भणइ-चउप्पाया तिगिच्छा । तं [जहा-] वेज्जो, ओसहाणि, आउरो, पडिचरगो । एयाणि जइ विज्जंति तो आरभेमि किरियं । एवं भणिए पुव्वागया संगारेणं पच्छाकडादी भणंति-जं एत्थ गिलाणस्स उवउज्जहिति तं सव्वं दाहामो । एस ताव अहाभद्दओ वेज्जो एवं करेइ । जो पुण पंतो सो मग्गइ -
कोई मज्जणगविहिं, सयणं आहार उवहि केवडिए । गीयत्थेहिं य जयणा, अजयण गुरुगा य आणाई ॥१९३८॥ [नि०] "कोइ मज्जणगविहिं०" गाहा पुरातना । एइसे वक्खाणं -
एतस्स नाम दाहिह, को मज्जणगाइ दाहिई मज्झं । ते चेव णं भणंती, जं इच्छसि अम्हें तं सव्वं ॥१९३९॥
"एतस्स नाम दाहिह०" गाहा । गिलाणस्स जं जं पाउग्गं तं तुब्भे दाहिह, मज्झ पुण को दाहिइ ण्हाणं सयणं आहारं उवहि, केवइए रूवगे वा? एवं भणिए वेज्जेण ते चेव णं भणंति जे ते पुव्वमभिहिता पच्छाकडादी ते पुव्वं पुण्ण वि ता चेव तत्थत्थितया ते भणंति-गिलाणस्स य तुब्भ य सव्वं अम्हेहिं दायव्वं ।
जं एत्थ अम्हें सव्वं, पडिसेहे गुरुग दोस आणादी । एएसिं असईए, पडिसेहे गुरुग आणादी ॥१९४०॥
"जं एत्थ अम्हे सव्वं०" गाहापुव्वद्धं । एवमभिहिते पच्छाकडाईहिं जो पडिसेवति न वट्टइ तस्स :: ।४ (चतुर्गुरु) विराहणा आणादी य दोसा । “एएसिं असईए०" गाहापच्छद्धं । जत्थ पच्छाकडादी णत्थि तत्थ जइ भणइ-अम्हे अहिरण्णसोवण्णिया, नत्थि किंचि दायव्वं, :: ।४ (चतुर्गुरु), सच्चेव विराहणा ।
जुत्तं सयं न दाउं, अन्ने दिते वि ऊ निवारिति । न करिज्ज तस्स किरियं, अवप्पओगं व से दिज्जा ॥१९४१॥ "जुत्तं सयं ण दाउं०" गाहा । कण्ठ्या ।
