________________
१७२ विसेसचुण्णि
[मासकप्पपगयं तंबोलमाईणि गिलाणस्स य हत्थ-पाए धोइऊणं लट्टगं पाउणावेत्ता पगासो ठविज्जइ । एवं सव्वं आउत्तं करेंति । एवं सो वेज्जो आगओ ।
अब्भुट्ठाणे आसण, दायण भद्दे भती य आहारो । गिलाणस्स य आहारे, नेयव्वो आणुपुव्वीए ॥१९३३॥ "अब्भुट्ठाणे०" दारगाहा । तत्थ पढमं अब्भुट्ठाणे त्ति दारं । तत्थ गाहा -
अब्भुट्ठाणे गुरुगा, तत्थ वि आणाइणो भवे दोसा। मिच्छत्त रायमादी, विराहणा कुल गणे संघे ॥१९३४॥
"अब्भुट्ठाणे गुरुगा०' गाहा । आयरियो वेज्जं जइ अब्भुटेइ :: ।४ (चतुर्गुरु) आणादिविराहणा । राया-रायमच्चेहिं वा आयरियसगासं पत्तेहिं आयरिया अब्भुटेता दिट्ठा । अहवा सुयं णेणं जहा वेज्जस्स अब्भुटुंता, ताहे भणइ-अम्हंतेण गव्वं करेइ, नवरि वेज्जस्स वि अब्भुटेइ । मिच्छत्तं वच्चेज्जा । पदुट्टो वा जं काहिति तस्स वा कुलस्स वा गणस्स वा संघस्स वा तं निष्फण्णं ।
अणब्भुट्ठाणे गुरुगा, तत्थ वि आणाइणो भवे दोसा । मिच्छत्त सो व अन्नो, गिलाणमादीविराहणया ॥१९३५॥
"अणब्भुट्ठाणे०" गाहा । जइ वि न अब्भुढेइ तहा वि :: ।४ (चतुर्गुरु) गिलाणस्स वेज्जो अवप्पओगं करेज्ज । आयरियं वा भणेज्ज-तुब्भे अमुगो वाही, तिगिच्छा से कीरउ। पच्छा विराधेज्ज । अन्नो वा णं वुग्गाहेज्ज । जम्हा एए दोसा तम्हा इमो विही -
गीयत्थे आणयणं, पुव्वि उद्वित्तु होइ अभिलावो। गिलाणस्स दावणं धोवणं च चुन्नाइगंधे य ॥१९३६॥
"गीयत्थे आणयणं०" गाहा । पुव्वं चेव गीयत्थेहिं दोन्नि पुव्वणत्थाइं आसणाई कायव्वाइं । तत्थायरियस्स निवेएयव्वं-वेज्जो आगओ त्ति ताहे आयरिएण पुव्वुट्टिएणं चंकमणियालक्खेणं अच्छियव्वं, जाव वेज्जो आगओ । अणालवंतो वि वेज्जो आयरिएण आलवियव्वो । आसणेणं उवणिमंतेत्ता आयरियो आसणे उवविसइ । आसणे त्ति गयं ।
इदाणिं दावण त्ति दारं । जं किंचि गिलाणस्स असुइं तं पुव्वामेव धोइयव्वं । जइ तत्थ दुब्भिगंधो होज्ज, ताहे चुण्णाणि विकिरिज्जंति । गंधेहिं वा णिग्गंधं कीरइ । ताहे सो गिलाणो दरिसिज्जइ । गिलाणो य जइ धरइ तो अब्भुढेइ वेज्जं, निविट्ठो वा ठाइ, अंगाणि वा चालेइ, दि४ि वा णिद्धं बंधइ । पच्छा वेज्जो से किरियं करेइ, फालेइ डहइ वा अन्नं वा जं कायव्वं ।
१. चिण्णाणि विकिज्जंति ड।
