________________
१६२ विसेसचुण्णि
[मासकप्पपगयं किं काहामि वराओ, अहं खु ओमाणकारओ होहं । एवं तत्थ भणंते, चाउम्मासा भवे गुरुगा ॥१८८५॥
"किं काहामि०" गाहा । अन्नो वि एवं चेव ठिओ खेत्ते । गिलाणसमीवं न वच्चइ । थेरा आगया, पुच्छंति । सो भणइ-किमहं काहामि वराओ, असमत्थो । किं मए ओमाणकारएण गएणं अप्पणोमि न तरामि उप्पाएउं कओ तेसिं । तस्स एवं भणंतस्स ::।४ (चतुर्गुरु) थेरा य णं भणंति -
उव्वत्तखेलसंथारजग्गणे पीसभाणधरणे य । तस्स पडिजग्गयाण व, पडिलेहेङ पि सि असत्तो ॥१८८६॥ "उव्वत्तणं०" गाहा । कण्ठ्या । एवं खरं दिज्जइ । असत्ते त्ति गतं । सुहिए त्ति दारं । तत्थ गाहा -
सुहिया मो त्ति य भणती, अच्छह वीसत्थया सुहं सव्वे । एवं तत्थ भणंते, पायच्छित्तं भवे तिविहं ॥१८८७॥
"सुहिया०" गाहा । ते साहुणो कहिं चि अच्छंति । गिलाणो अणेहिं सुओ । ते भणंति-वच्चामो । एवं भणंते जइ को वि भणइ-अहो तुमं सि वोद्दो, अम्हं इहं अच्छंताणं सज्झायाई जोगा उस्सप्पंति, सुहं अच्छामो, अच्छह वीसत्था । एवं वदंतस्स पायच्छित्तं तिविहं । आयरियो भणइ :: ।४ (चतुर्गुरु) वसभो भणइ :: ४ (चतुर्लघु) भिक्खू भणइ ० (मासलघु) सुहिए त्ति गयं। ओमाणे त्ति दारं । तत्थ गाहा -
भत्तादिसंकिलेसो, अवस्स अम्हे वि तत्थ न तरामो। काहिंति केत्तियाणं, तेणं चिय तेसु अद्दन्ना ॥१८८८॥ अम्हेहिँ तहिँ गएहि, ओमाणं उग्गमाइणो दोसा। एवं तत्थ भणंते, चाउम्मासा भवे गुरुगा ॥१८८९॥
["भत्तादिसंकिलेसो०"] "अम्हेहिं तहिं०'' गाहा । तेहिं सुयं जहा अमुगत्थ गिलाणो तत्थ वच्चामो । अन्ने भणंति-ओमाणकारगा भविस्सामो, उग्गमाइगा दोसा, भद्दगपंतदोसा य, तम्हा न गंतव्वं । एवं भणंतस्स ::।४ (चतुर्गुरु) । ओमाण त्ति गयं ।
लुद्धे त्ति दारं -
